Fornverkaskólinn í Skagafirði hlýtur virtustu minjaverndarverðlaun Evrópu
Fornverkaskólinn í Skagafirði hefur hlotið Evrópsku minjaverndarverðlaunin / Europa Nostra Awards 2026, sem eru virtustu minjaverndarverðlaun Evrópu. Verðlaunin eru veitt af framkvæmdastjórn Evrópusambandsins og Europa Nostra með stuðningi úr Menningaráætlun ESB. Að þessu sinni hlutu 30 verkefni frá 18 löndum viðurkenningu, en alls barst 261 umsókn frá 40 löndum.
Fornverkaskólinn, sem starfræktur er af Byggðasafni Skagfirðinga, var stofnaður árið 2006 til að varðveita hefðbundnar íslenskar byggingaraðferðir, einkum torfhúsagerð. Með verklegri kennslu, rannsóknum og endurbyggingu friðaðra húsa tryggir skólinn að þessi sjaldgæfa handverkshefð haldist lifandi og skili sér til komandi kynslóða.
„Við erum gríðarlega stolt af þessari viðurkenningu á starfi síðustu tveggja áratuga. Við vonum að hún varpi ljósi á torfhúsaarfinn, sem er í hættu þar sem sífellt færri kunna handverkið,“ segir Berglind Þorsteinsdóttir, safnstjóri Byggðasafns Skagfirðinga.
Frá árinu 2007 hefur skólinn haldið um 50 námskeið með þátttöku um 500 nemenda, innlendra og erlendra. Kennsla hefur að stórum hluta farið fram á Tyrfingsstöðum í Skagafirði, þar sem söguleg hús hafa verið endurbyggð og nýtt sem lifandi kennslustofa.
Í umsögn dómnefndar segir: „Verkefnið tekst á við hnignun þekkingar á hefðbundnu byggingarhandverki í Evrópu með því að miðla því áfram á lifandi og áþreifanlegan hátt. Það byggir á öflugu kennslulíkani um flutning þekkingar á milli kynslóða sem tryggir bæði varðveislu húsanna sjálfra og þeirrar þekkingar sem þarf til að halda þeim við. Verkefnið stendur á traustum grunni vandaðs handverks og nýtur stuðnings af alþjóðlegu og fræðilegu samstarfi, og er góð fyrirmynd fyrir varðveislu torfhúsaarfsins.“
„Áfram Ísland!“
Verðlaunahafar verða heiðraðir við hátíðlega athöfn í Nikósíu á Kýpur þann 28. maí. Almenningur getur jafnframt kosið sitt uppáhaldsverkefni með netkosningu í „Public Choice Award“ en sigurvegari hennar fær 10.000 evrur í verðlaun. „Við getum kannski ekki kosið Ísland í Eurovision í ár, en í þetta skiptið getum við heldur betur kosið Ísland og torfhúsaarfinn okkar í Evrópsku minjaverndarverðlaununum – áfram Ísland!“ segir Berglind og bendir á að hægt sé að greiða atkvæði til 12. maí á vefsíðu Europa Nostra.
Þetta er í annað sinn sem íslenskt verkefni hlýtur verðlaunin frá því að þau voru fyrst veitt árið 2002. Fyrra verkefnið var Franski spítalinn á Fáskrúðsfirði, sem hlaut verðlaunin árið 2016.
/Fréttatilkynning
Fleiri fréttir
-
Húnaþing vestra | Hátíðahöld á sumardaginn fyrsta 2026
feykir.is Vestur-Húnavatnssýsla, Mannlíf, Lokað efni 21.04.2026 kl. 11.15Á vef Húnaþings vestra má lesa: „Allt frá árinu 1957 hefur sumardagurinn fyrsti verið haldinn hátíðlegur í Húnaþingi vestra. Upphaflega var hátíðin haldin til fjáröflunar Fegrunarfélagsins fyrir gróðursetningu í sjúkrahúsgarðinum á Hvammstanga. Í dag er sá garður orðinn stór og þéttur skógur. Þó hátíðin hafi ekki verið með nákvæmlega sama sniði öll þessi ár hefur Vetur konungur þó alltaf afhent Sumardísinni veldissprotann og hafa þau verið klædd í búningana sem forvígiskonur hátíðarinnar saumuðu. Frá upphafi og til ársins 2022 hélt Ingibjörg Pálsdóttir (Lilla) utan um hátíðarhöldin með aðstoð fjölskyldu sinnar og ýmissa félagasamtaka. Í ár ákvað starfsmannafélag leikskólans að taka þetta að sér og viljum við þakka þeim innilega fyrir að viðhalda þessum flotta og rótgróna viðburði í samfélaginu okkar.Meira -
Opið vísindahús Háskólalestarinnar sló í gegn á Sauðárkróki
feykir.is Skagafjörður, Mannlíf, Lokað efni 21.04.2026 kl. 08.55Opið vísindahús Háskólalestar Háskóla Íslands sem haldið var í Árskóla á Sauðárkróki laugardaginn 18. apríl var afar vel heppnað. Hátt í þúsund gestir lögðu leið sína á staðinn og nutu fjölbreyttrar dagskrár þar sem vísindi voru kynnt á lifandi, aðgengilegan og skemmtilegan hátt fyrir fólki á öllum aldri. haskolalestin.hi.is segir frá:Meira -
Unglingalandsmót UMFÍ verður á Króknum um verslunarmannahelgina
feykir.is Skagafjörður, Íþróttir, Mannlíf, Lokað efni 20.04.2026 kl. 21.17Skrifað hefur verið undir samning um Unglingalandsmót UMFÍ sem verður haldið á Sauðárkróki um verslunarmannahelgina. Sigfús Ingi Sigfússon sveitarstjóri, Gunnar Þór Gestsson formaður UMss og Jóhann Steinar Ingimundarson formaður UMFÍ sjást hér undirrita samninginn.Meira -
Frumsýning á Rót á Akureyri á laugardaginn
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 20.04.2026 kl. 15.55Rót er ljóðræn brúðuleiksýning fyrir alla fjölskylduna eftir leikhópinn Handbendi á Hvammstanga þar sem leikbrúðulistakonan Greta Clougt heldur um taumana. Umfjöllunarefni sýningarinnar, sem verður frumsýnd á Akureyri 25. apríl, er hvernig það er að alast upp milli menningarheima, en móðir Óla, söguhetjunnar, er af erlendu bergi brotin en faðir hans íslenskur. Líf Óla tekur stakkaskiptum þegar amma hans frá Suður-Ameríku kemur í heimsókn og hann uppgötvar nýjan hluta af sjálfum sér.Meira
