Frábær frumsýning LS í gærkvöldi
Leikfélag Sauðárkróks frumsýndi í gærkvöldi gamanleikinn Tveir tvöfaldir eftir Ray Cooney fyrir fullu húsi og rífandi stemningu. Leikurinn er dæmigerður farsi þar sem misskilningurinn hefst strax í upphafi verks og endist allt til loka með tilheyrandi hurðaskellum og orðaleikjum.
Gestir sýningarinnar voru vel með á nótunum í gær og skemmtu sér vel enda glumdu hlátrasköllin alla sýninguna út. Leikararnir voru hver öðrum betri og allir með sín hlutverk á hreinu og textameðferðin góð þrátt fyrir öll lætin. Það hefur oft verið talað um það hve vel mannað Leikfélagið er og sannast það á þessari sýningu.
Guðbrandur J. Guðbrandsson, Sonja Hafsteinsdóttir og Árni Jónsson fara með stærstu hlutverkin og bera sýninguna uppi og tekst þeim það fullkomlega. Aðrir sem fara með minni hlutverk gera það einnig mjög vel enda valinn maður í hverju rúmi ef svo mætti segja.
Þegar allt þetta kemur saman ásamt góðri leikstjórn Ingrid Jónsdóttur verður til frábær skemmtun sem enginn verður svikinn af. Af öllum leikurunum ólöstuðum má segja að Árni Jónsson fari algerlega á kostum í sýningunni og undirstrikar þar að hann er einn af bestu gamanleikurum LS í dag.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
