Frábær sigur Stólanna fyrir vestan
Tindastóls-strákarnir hrukku heldur betur í gírinn í dag þegar þeir léku við BÍ/Bolungarvík á Torfnesvelli á Ísafirði. Eftir tvo leiki sem töpuðust naumlega var nauðsynlegt fyrir Stólana að fara að krækja í stig eða í það minnsta að fara að koma boltanum í mark andstæðinganna. Það tókst og rúmlega það með 2-5 sigri á erfiðum útivelli.
Eitthvað voru nú upplýsingarnar um leikinn sem Feykir hafði upp eftir umfjöllun á Fótbolti.net frjálslegar og fréttin hér lagfærð eftir áreiðanlegum heimildum á Tindastóll.is. en við það fækkar mörkunum sem Atli gerði um eitt og tvö bætast við hjá Theo. Beðist er velvirðingar á þessu.
Aðstæður á Ísafirði til knattspyrnuiðkunar voru með því verra sem gerist, hvasst og völlurinn líkari sundlaug en knattspyrnuvelli. Tindastólsmenn komu hinsvegar baráttuglaðir og ákveðnir til leiks og voru miklu betri í leiknum. Strákarnir léku á móti vindi í fyrri hálfleik og það var Max Touloute sem kom strákunum yfir eftir 27 mínútur eftir laglega skyndisókn og Theo Furness bætti öðru marki við stuttu síðar og staðan 0-2 í hálfleik.
Theo var síðan aftur á ferðinni þegar 10 mínútur voru liðnar af seinni hálfleik og staðan orðin 0-3. Pétur Georg Markan kom heimamönnum inn í leikinn með marki þegar um hálftími var eftir en Theo skoraði með hörkuskoti fimm mínútum síðar eftir mikla sókn Stólanna þar sem hvert skotið af öðru skall að marki Vestfirðinga. Theo innsiglaði þar með þrennuna og breytti stöðunni í 1-4. Guðmundur Atli Steinþórsson lagaði stöðuna með marki á 73. mínútu en það var síðan Atli sem innsiglaði frábæran stórsigur Tindastóls með öðru marki sínu í leiknum á 88. mínútu.
Tveir leikmenn fuku í sturtu á lokakaflanum, einn úr hvoru liði en það var markaskorarinn Theo Furness sem leit rautt á blálokin.
Nú er bara að halda áfram og hafa gaman af því að spila knattspyrnu í 1. deild. Áfram Tindastóll.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
