Fyrsta æfing Borces í gærkvöldi
Borce Ilievski, yfirþjálfari Tindastóls, kom til Sauðárkróks í gær eftir sumarfrí og endurmenntun í heimalandi sínu Makedóníu og Serbíu. Þrír erlendir leikmenn væntanlegir.
Æfingar hófust af kappi í gærkvöldi og verður æft tvisvar á dag, flesta daga vikunnar. Auk hefðbundinna körfuboltaæfinga verða útihlaup á morgnana kl. 6 líkt og í fyrra og mættu átta galvaskir liðsmenn í morgun og samkvæmt upplýsingum úr herbúðum Tindastóls er andinn góður og mikill hugur í mönnum fyrir komandi vertíð.
Nýjir erlendir leikmenn eru væntanlegir í liðið en verið er að ganga frá samningum um þessar mundir en það munu vera bandarískur leikstjórnandi, bakvörður frá Makedóníu og serbneskur miðherji. Ljóst er að Sigmar, Sveinbjörn og Axel verða ekki með í vetur og óvíst er hvað Svavar gerir en samkvæmt heimildum Feykis er þrýst þéttingsfast á hann að halda áfram.
Aðalfundur körfuknattleiksdeildarinnar verður haldinn innan tíðar en nú þegar hafa þrír einstaklingar samþykkt að taka sæti í stjórn og eru þegar farnir að starfa. Þau eru Geir Eyjólfsson, Hólmfríður Sveinsdóttir og Gunnlaugur Sighvatsson.
Fleiri fréttir
-
Lífsmottóið breytt með barneignum | Velkomin heim
feykir.is Skagafjörður, Lokað efni, Velkomin heim 26.07.2025 kl. 14.17Agnes Skúladóttir kann að hafa klippt hár einhverra lesenda Feykis þegar hún átti og rak hárstofuna Móðins í Aðalgötunni á Sauðárkróki. Það má því kannski segja að Agnes sé ekki að flytja heim í fyrsta skipti síðan hún flutti burt úr firðinum fagra. Agnes er dóttir þeirra Ernu Hauksdóttur og Skúla Halldórssonar og á einn bróður, hann Hauk Skúla. Agnes er nú mætt í fjörðinn með manni sínum, Þóri Rúnari Ásmundssyni, og sonum þeirra Ásmundi og Sigurði.Meira -
Ljómarallý er í fullum gangi í Skagafirði
feykir.is Skagafjörður, Íþróttir, Lokað efni 26.07.2025 kl. 12.55Fyrsti bíll var ræstur frá Vélavali í Varmahlíð kl. 8:00. Eknar verða fjórar ferðir um Mælifellsdal og tvær um Vesturdal. Birting úrslita verður við Vélaval kl. 17:00.Meira -
Sumarstarfið blómstrar á Löngumýri
feykir.is Skagafjörður, Mannlíf, Lokað efni 26.07.2025 kl. 10.00Á Löngumýri neðan Varmahlíðar rekur Þjóðkirkjan kyrrðar og fræðasetur. Staðurinn er einnig leigður út fyrir fundahöld og ýmsa mannfagnaði. Vinsælt er að halda ættarmót á Löngumýri. Eldri borgarar víða af landinu hafa komið í orlofsdvöl á Löngumýri til margra ára. Blaðamaður Feykis brá sér í heimsókn á dögunum og hitti þar að máli Gunnar Rögnvaldsson staðarhaldara og Margréti Gísladóttir fyrrum forstöðukonu og núverandi orlofsgest.Meira -
Danni Gunn á leið til Sviss
feykir.is Skagafjörður, Íþróttir, Hestar, Lokað efni 25.07.2025 kl. 15.35Daníel Gunnarsson á Miðsitju sem er félagi í hestamannafélaginu Skagfirðingi hefur verið valinn í íslenska landliðið í hestaíþróttum sem er á leið á heimsmeistarmótið í Sviss sem hefst 4. ágúst. Daníel mun keppa þar í skeiðgreinum með hryssuna Kló frá Einhamri. Daníel er ekki ókunnur heimsmeistaramótum því hann keppti á síðasta móti í Hollandi með hryssuna Einingu frá Einhamri þar sem þau lentu í 2.sæti í 250m. skeiði.Meira -
Bríet frábær í Gránu
feykir.is Skagafjörður, Austur-Húnavatnssýsla, Lokað efni 25.07.2025 kl. 12.22Tónlistarkonan góðkunna Bríet hélt tónleika á Króknum í gærkvöldi ásamt meðspilurum sínum þeim Magnúsi Jóhanni og Bergi Einari. Heimamaðurinn Atli Dagur hitaði upp.Meira
