Gæðingur páskabjór fær góðar viðtökur
Gæðingur Öl kom með páskabjór á markað á dögunum og hefur hann fengið mjög góðar viðtökur. „Flottur páskabjór, ekki of krefjandi og ekki of mildur,“ segir um ágæti hans í Bjórbókinni. Bjórbókin er vefsíða þar sem finna má bjórrýni, fróðleik og fréttir um bjór en þar er eindregið mælt með Páskabjórnum frá Gæðing.
Þetta er í fyrsta sinn sem skagfirska ölgerðin hefur framleiðslu á páskabjór en fyrirtækið hóf ölgerð í fyrra og er með þrjár gerðir á markaðnum; Gæðing Stout, -Lager og - Pale Ale. Fyrirtækið kom einnig með sérstakan jólabjór og nú páskabjór.
„Fallegur í glasi, dálítill koparfílingur. Froða með ágætum. Í nefi eru léttir tónar, sæta og heytugga. Minnir á pale ale í nefi sem þó kemur ekki fram á tungu. Um er að ræða mjög léttan karl, mildur á tungu, meðalfylling og ljúft eftirbragð. Bjórinn er dálítið lifandi, spriklandi humlar, ögn beiskja en sætt maltið tónar þetta niður. Svo er einhver karamella þarna í bakgrunni,“ segir um páskabjórinn.
Á bjórbókinni er einnig fjallað um miðann á flöskunni og er hann sagður hafa vinninginn í ár, „virkilega fallegur miði,“ segir í bjórrýninni en Hugleikur Dagsson teiknar myndirnar sem prýða umbúðir þeirra bjóra sem eru í framleiðslu Gæðings.
Hér má sjá umfjöllun Bjórbókarinnar í heild sinni.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
