Gildran er óbeislað afl með eigin sál og hljóm
Hljómsveitin Gildran spilar á Tónlistarhátíðinni Gærunni á Sauðárkróki sem fer fram um næstu helgi og lofar góðum tónleikum: „Þetta verður geggjað stuð!!!“ segir Sigurgeir Sigmundsson gítarleikari hljómsveitarinnar. Feykir sendi Gildrunni nokkrar spurningar og tók púlsinn á rokkurunum.
Hvenær var hljómsveitin stofnuð og hvað heita hljómsveitarmeðlimir?
Hljómsveitin var upphaflega stofnuð 1979 en fyrsta platan kom út 1986. Hljómsveitin hefur haft svo til sömu liðskipan frá upphafi. Birgir Haraldsson söngvari, Karl Tómasson trommari og Þórhallur Árnason bassaleikari hafa verið með frá upphafi en ég bættist í hópinn 1989 (Sigurgeir Sigmundsson gítarleikari). Okkur til aðstoðar er einnig hljómborðsleikarinn Ásgrímur Angantýsson.
Hvernig mynduð þið lýsa tónlist ykkar?
Sumir hafa líkt Gildrunni við U2 en aðrir Deep Purple. Við erum rokkarar en Gildran hefur eigin sál og hljóm. Það syngur til dæmis enginn eins og Biggi sem getur verið í senn angurvær eins og hlýr sunnanblær og breyst síðan í öskrandi eldfjall sem spúir eldi og eimyrju. Gildran er þannig óbeislað afl og við vitum aldrei hvernig við komum til með að spila hverju sinni.
Hefur einhvern tímann eitthvað skondið átt sér stað á tónleikum hjá ykkur?
Það gerist alltaf eitthvað skondið á öllum tónleikum. Það er það sem leikurinn gengur út á :)
Hvernig leggst í ykkur að spila á Gærunni 2012?
Þetta verður gaman og við lofum góðum tónleikum. Erum í toppformi og hlökkum til að spila.
Hvað er á döfinni?
Við erum í miðju plötuferli. Lög eru að detta inn og út af prógramminu hjá okkur. Búnir að taka upp 6 lög en ekki víst að öll lifi fæðinguna af. Fleiri að bætast í hópinn. Þetta eru harðar hríðir en vonandi kemur eitthvað út úr þessu sem við verðum ánægðir með. Ef aðdáendur okkar verða ánægðir líka er það bónus en fyrst og fremst verðum við að vera sáttir.
Eitthvað að lokum?
Það verður gaman að sjá ykkur og spila á Gærunni og svo á balli á Mælifelli á föstudagskvöldinu. Þetta verður geggjað stuð!!!!!!!
Gildran að spila live útgáfu af Huldumönnum sem er af fyrstu plötunni þeirra. Hljómleikarnir voru haldnir í Mosfellsbæ 1. maí 2010.
http://www.youtube.com/watch?v=JN9rC6GB204
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
