Góð staða Tindastóls eftir sigur á Selfossi
Tindastóll gerði góða ferð á Selfoss í dag þar sem liðið lék við Árborg sem hefur farið mikinn í 3. deildinni í sumar. Þetta var fyrri viðureign liðanna í undanúrslitum 3. deildarinnar og fer síðari leikurinn fram á Sauðárkróksvelli næstkomandi miðvikudag kl. 17:15. Og úrslitin? Jú, 3-0 fyrir Tindastól.
Að sögn Sigga Donna, þjálfara Stólanna, var hann mjög ánægður með liðsheildina í dag sem skóp sigurinn. Liðið lék skipulagðan og agaðan leik, menn voru samstíga í varnarleiknum og sóttu hratt á heimamenn þegar færi gafst eins og lagt var upp með. Lið Árborgar á sterkan heimavöll en leikið er á gervigrasi sem þykir nú ekki alltaf góðs viti fyrir gestaliðin.
Árni Ödda skoraði fyrsta mark leiksins með góðum skalla eftir sendingu frá Pálma Valgeirs en Árni hafði reyndar rotast fyrr í leiknum en lét það ekki aftra sér. Staðan 1-0 í hálfleik. Arnar Sigurðs kom Stólunum síðan í 2-0 eftir laglegt einstaklingsframtak og það var síðan Kiddi Aron sem innsiglaði sigurinn með sínu þriðja marki í þremur leikjum. Ekki slæmt að detta í stuð í úrslitakeppninni. Lokatölur 3-0.
Sem fyrr segir er seinni leikur liðanna á Sauðárkróksvelli nú á miðvikudaginn og rétt að benda stuðningsmönnum Stólanna á leiktímann - korter yfir 5. Stólarnir eru nú í góðum séns með að endurheimta sætið í 2. deild en þjálfarinn er með það á hreinu að það er aðeins fyrri hálfleikur búinn í einvíginu og sætið í 2. deildinni ekki gulltryggt enn. Það er því ekki úr vegi að stuðningsmenn Tindastóls fjölmenni á völlinn og styðji strákana til góðra verka. Áfram Tindastóll!
Fleiri fréttir
-
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.