Golfmót á Hlíðarendavelli
Það er nóg um að vera fyrir golfunnendur á Hlíðarendavelli á Sauðárkróki næstu vikuna en haldin verða tvö innanfélagsmót og eitt opið mót; Ólafshúsmótaröðin og 9 holu Nýliða- og háforgjafarmót annars vegar og Opna KS mótið hins vegar.
Ólafshúsmótaröðin í golfi er hefst á morgun, 6. júní, og verða vinningar veittir fyrir efsta sæti í punktakeppni með og án forgjafar. „Leikið er á miðvikudögum og í verðlaun eru gómsætir vinningar frá Ólafshúsi,“ segir á golf.is. Keppendur þurfa að skrá rástíma á netinu eða í golfskála og ekki skulu fleiri en 3 spilarar vera saman í holli. Mótsstjóri Gunnar Sandholt.
Opna KS mótið
Opna KS mótið verður haldið nk. laugardag, 9. júní, og verða glæsileg verðlaun í boði frá Kaupfélagi Skagfirðinga. Fyrirkomulagið er Texas Scramble og forgjöf fundin með því að deila með 5 í forgjöf spilafélaga. Gert er ráð fyrir því að ræst sé út af öllum teigum kl. 10 ef þátttaka leyfir.
„Keppendur eru beðnir um að vera mættir eigi síðar en 9:30 en þá verður dregið um hvað lið ræsa út af hvaða teig. Keppendur geta skráð sig saman í ráshópa á netinu eða hringt í skála. Vanti menn spilafélaga verður allt gert til þess að finna fyrir þá félaga,“ segir á golf.is.
Mótsstjórar Gunnar Sandholt og Guðni Kristjánsson. Þátttökugjald kr. 6000.- fyrir parið þ.e. kr. 3000 á þátttakanda.
Nýliða- og háforgjafarmót
Þriðjudaginn 12. júní kl. 17 verður haldið 9 holu Nýliða- og háforgjafarmót. Samkvæmt golf.is er mótið fyrir þá sem eru með 30 eða meira í forgjöf og fyrir þá sem eru að stíga sín fyrstu skref á golfvellinum. Leikin er punktakeppni og verða veitt verðlaun fyrir 1. sætið.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
