Hafnfirðingar hnupluðu öllum stigunum
Vængstífðir Tindastólsmönnum urðu að þola tap á Sauðárkróksvelli í dag þegar Haukar úr Hafnarfirði komu, sáu og sigruðu. Þeir gerðu eina mark leiksins rétt fyrir leikhlé en það verður varla sagt að sigur þeirra hafi verið sanngjarn.
Eins og kunnugt er náðu úrvalsdeildarliðin Breiðablik og ÍA í tvo hættulegustu menn Tindastóls í vikunni, þá Ben J. Everson og Theo Furness, og þrátt fyrir að lið Tindastóls spilaði á köflum góðan fótbolta og hefði í fullu tré við gestina þá vantaði augljóslega bitið í sóknarleikinn. Leikið var við frábærar aðstæður, stillt veður og hita. Stólarnir byrjuðu leikinn betur og strax eftir hálfa mínútu komst Max Touloute inn fyrir bakvörð Hauka og negldi í stöng úr þröngu færi. Nokkru síðar vildu Tindastólsmenn fá dæmda hendi og víti en dómarinn var ekki á sama máli. Þegar leið á fyrri hálfleik náðu Haukarnir betri tökum á leiknum og fengu fjöldann allan af hornspyrnum. Stólarnir urðu fyrir skakkaföllum því Árni Arnarson lá óvígur eftir að hann og Sigurbjörn Hreiðarson skullu með höfuðin saman. Árni kom þó aftur inn á eftir yfirferð og skoðun utan vallar en þá meiddist Loftur Páll Eiríksson og hann þurfti líka aðhlynningu. Það var svo skömmu fyrir hlé sem Magnús Páll Gunnarsson skoraði laglegt mark fyrir gestina, fékk frábæra sendingu inn á vítateiginn og skallaði í bláhornið. Tindastólsmenn voru slegnir út af laginu og voru fegnir að komast inn í klefa.
Tindastóll var mun betri aðilinn í síðari hálfleik og jókst sóknarþungi liðsins eftir því sem leið á hálfleikinn. Haukarnir reyndu að gera út um leikinn með því að beita skyndisóknum en voru klaufar að spila sig rangstæða hvað eftir annað. Haukar fengu í raun engin færi í síðari hálfleik en voru þéttir til baka og gerðu Tindastólsmönnum erfitt fyrir. Stólarnir fengu engu að síður nokkur ágæt færi en Daði Lárusson var betri en enginn í markinu og varði nokkrum sinnum mjög vel í hálfleiknum. Blönduósingurinn Benjamín Gunnlaugsson kom inn í lið Tindastóls í hálfleik og sýndi nokkrum sinnum glæsilega takta og þá var Max að gera fína hluti á köflum en ekki tókst að koma boltanum í markið. Þrátt fyrir mikla pressu náðu Stólarnir ekki að skora og tap á heimavelli, 0-1, staðreynd.
Það er sem fyrr segir mikil blóðtaka fyrir Stólana að missa Ben og Theo og heyrst hefur að verið sé að leita að leikmönnum til að ganga til liðs við Stólana. Augljóslega er þörf á markaskorara en Fannar Freyr Gíslason var frammi í dag og komst ekki í takt við leikinn en hann hefur glímt við meiðsli. Þá eiga Árni Einar og Arnar Sig nokkuð í land með að komast í leikform en Árni hefur misst úr nokkra leiki og Arnar ekkert verið með. Þá var Fannar Kolbeins í banni í dag eftir að hafa fengið rautt fyrir að fá boltann í andlitið í síðasta leik!
En það er engin ástæða til að örvænta, liðið spilaði lengstum flottan fótbolta, unga vörnin stígur ekki mörg feilspor og lið Hauka er vel skipað. Að viku liðinni spila Stólarnir á Ólafsvík við topplið Víkings. Áfram Tindastóll.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
