Hefur fulla trú á sínum mönnum
Tindastóll tekur á móti Haukum í 1. deildinni á morgun á Sauðárkróksvelli og ljóst að breytingar verða á byrjunarliðinu. Ben og Theo eru farnir frá Tindastól en Donni þjálfari telur að fleiri séu ekki á förum frá liðinu í bili a.m.k. -Aðalsteinn fer í skóla 1. september og Dominic fer aftur til Bandaríkjana í skóla 18. Ágúst. þannig að hópurinn er að þynnast örlítið svona með tímanum en hann er hins vegar skipaður miklum fagmönnum, segir Donni.
-Það er alltaf vont að missa góða leikmenn og sérstaklega þar sem þeir hafa verið að skora mest fyrir okkur. Nú er þá bara komið að öðrum að taka við keflinu í markaskorun og ég hef fulla trú á þeim sem leikmönnum sem við höfum innan okkar raða til að ráða við það verkefni, segir Donni við brotthvarfi þeirra Ben og Theo og bætir við að þeir séu metnaðarfullir ungir leikmenn sem gaman verður að fylgjast með í framtíðinni.
-Við erum eðlilega að vinna að því að styrkja okkar lið aftur. Þessir leikmenn skilja eftir sig stór skörð í leikmannahópinn sem var ekki stór fyrir og við teljum okkur klárlega þurfa að bæta í hópinn aftur til þess að halda sömu gæðum í liðinu.
Donni telur að strákarnir þjappi sér saman og láti þetta ekki á sig fá en hefur þetta ekki áhrif á liðið? -Auðvitað hefur þetta áhrif en eins og sagt er "það skiptir ekki máli hversu oft þú ert sleginn niður, heldur hvernig þú kemur til baka eftir það". Við gerum allt sem við getum til að láta þetta ekki slá okkur útaf laginu.
Tindastóll situr nú í 4. sæti eftir 10 leiki en lítið má útaf bera því neðsta liðið í 12. sæti er aðeins fjórum stigum frá eða með 10 stig. Leikurinn á morgun leggst hins vegar mjög vel í Donna. -Haukaliðið er geysisterkt en það erum við líka. Ég hef fulla trú á mínum mönnum og veit að ef við náum toppleik og gefum okkur alla í þetta verkefni þá getum við náð góðum úrslitum. Stuðningurinn við liðið núna í síðasta heimaleik á móti Þrótti var alveg frábær. Yndislegt að sjá svona marga á vellinum og stuðningurinn hefur klárlega mjög mikið að segja fyrir okkur.
Ég vona að sem flestir sjái sér fært að mæta á völlinn á laugardaginn kemur þegar Haukar koma í heimsókn. Stöndum saman - allir sem einn. Áfram Tindastóll.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
