Heimir á ferð um Dalina
Karlakórinn Heimir gerði sér dagamun á laugardag og skellti sér í dagsferð vestur á Snæfellsnes og í Dalina og héldu tónleika í Stykkishólmskirkju og Árbliki í Dalabyggð. Á heimasíðu kórsins segir að áheyrendur hafi virst njóta tónleikanna í ræmur og fögnuðu vel.
Eftirfarandi ferðasaga er tekin af heimir.is:
„Var nú haldið í Dalina um Álftafjörð og Skógarströnd þar sem birkið og fjalldrapinn grær. Ekið var undir leiðsögn Ágústs Jónssonar 2. tenórs sem er innfæddur Hólmari og vel kunnugur öllum staðháttum og mannlífi á Ströndinni. Þegar svo ekið var yfir ána Skraumu á sýslumörkum Dala og Snæfellsness tók svo innnmúraður Daladrengur við leiðsögumannshlutverkinu, Magnús Ástvaldsson 2. bassi. Hann lét sér heldur ekki nægja að segja frá þúfum, bændum og mórum í Dölum heldur sagði hann líka sögur úr Hólaskógi sem væntanlega verða færðar í annála með skagfirskum skemmtisögum 2.
Stór hluti íbúa Dalabyggðar mættu á tónleikana í Árbliki og létu sér vel lynda söng og kynningar. Daladæturnar Erna Hjaltadóttir og tengdadóttir hennar Linda Traustadóttir, sem er dóttir Trausta Pálssonar fyrrum bónda að Laufskálum í Hjaltadal, tóku vel á móti okkur og reiddu fram mikla veislu Með kaffibrauði og ástarpúngum að söng loknum“.
Fleiri fréttir
-
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira
