Hljómsveitin Sérfræðingar að sunnan á tónleikaferðalagi um Norðurland
Það eru hippar enn á ferð, þó fjórða iðnbyltingin sé handan við hornið, segir Skagfirðingurinn Hermann Sæmundsson en hljómsveit hans Sérfræðingar að sunnan ætla að renna þjóðveginn norður og spila gamla og góða tónlist, fyrst á veitingastaðnum Sjávarborg á Hvammstanga miðvikudaginn 25. júlí, en tónleikarnir er liður í hátíðinni Eldur í Húnaþingi.
Fimmtudaginn 26. júlí verður svo rennt í Skagafjörðinn og leikið á veitingastaðnum Kaffi Krók á Sauðárkróki. Þar hitar hin unga og efnilega tónlistarkona Áróra Árnadóttir upp fyrir sveitina. Hljómsveitin er hins vegar óbókuð 27. júlí, segir á Facebook en þar má einnig lesa að Sérfræðingar að sunnan var stofnuð árið 2017 og er tilgangurinn hennar að veita hljómsveitarmeðlimum gleði og ánægju, og skemmta öðrum í leiðinni. Hljómsveitin spilar mestmegnis geðgóða hippatónlist frá gullaldarárunum í kringum 1970, má þar nefna Beatles, Hollies, America, Doobie Brothers, Beach boys og marga fleiri.
Sérfræðingar að sunnan er skipuð eftirfarandi meðlimum:
Björgvin Fannar Björnsson, söngur og congas
Björn Hannesson, trommur
Halldór Gunnarsson, hljómborð, píanó, munnharpa, söngur og bakraddir
Hermann Sæmundsson, kassagítar
Íris Jónsdóttir, söngur
Ólafur Gunnarsson, rafgítar og kassagítar
Lárus Halldór Grímsson, flauta, saxófónn, hljómborð, píanó og bakraddir
Sigurður Egilsson, bassi og bakraddir
Ókeypis inn er á tónleikana.
Líf og fjör – rokk og ról!
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.