Hofsstaðir hlutu viðurkenningu á Uppskeruhátíð ferðaþjónustunnar á Norðurlandi
Venju samkvæmt voru viðurkenningar veittar, að þessu sinni voru þær þrjár; Fyrirtæki ársins, Viðurkenning fyrir störf í þágu ferðaþjónustu og Hvatningarverðlaun ársins.
Fyrirtæki ársins
Viðurkenningin Fyrirtæki ársins er veitt fyrirtæki sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi.
Hofsstaðir í Skagafirði bjóða upp á úrvals gistingu og veitingar og eigendurnir hafa metnaðarfull áform um að bæta enn frekar við framboð á þjónustu. Frá því að hótelið opnaði árið 2010 hefur mikil áhersla verið lögð á að gestir njóti nærumhverfisins í sveitinni í Skagafirði, komi við á áhugaverðum stöðum á svæðinu og nýti sér afþreyingu sem aðrir bjóða upp á. Þannig hefur áherslan verið lögð á að gestir dvelji lengur. Einnig hefur áherslan á hráefni úr héraði alltaf verið leiðarljós á veitingastaðnum og stuðlað að sjálfbærni fyrirtækisins.
Eigendurnir Guðný og Þórólfur hafa tekið þátt í starfi á vettvangi Markaðsstofunnar en einnig í samstarfi á svæðinu. Þannig hafa þau stuðlað að þróun áfangastaðarins Norðurlands með jákvæðum hætti og verið til fyrirmyndar í uppbyggingu og vöruþróun.
Störf í þágu ferðaþjónustu
Viðurkenninguna fyrir störf í þágu ferðaþjónustu á Norðurlandi fær einstaklingur sem hefur haft góð áhrif á ferðaþjónustu á Norðurlandi í heild sinni og hefur starfað beint eða óbeint fyrir ferðaþjónustu á svæðinu. Í ár er það Jóhannes Geir Sigurgeirsson frá Öngulsstöðum í Eyjafjarðarsveit.
Saga ferðaþjónustu á Öngulsstöðum nær rúmlega þrjátíu ár aftur í tímann, þegar fjósi og hlöðu var breytt í veitingastað og gistihús. Um tíma var reksturinn leigður út en árið 2012 tók Jóhannes aftur við rekstrinum og stofnaði Lamb Inn, þar sem lögð var áhersla á lambakjöt á veitingastaðnum eins og nafnið gefur til kynna. Jóhannes hefur látið til sín taka á vettvangi ferðaþjónustu, hvort sem er á Norðurlandi eða landsvísu. Þar hefur hann nýtt reynslu sína af þingmennsku og stjórnarsetu í hinum ýmsu félögum og fyrirtækjum, til að efla áfangastaðinn Norðurland og stuðla að samstarfi innan ferðaþjónustu og faglegrar þróunar hennar.
Hvatningarverðlaun
Í Þistilfirði, á bænum Holti er gistiheimilið Grásteinn Guesthouse rekið af hjónunum Hildi Stefánsdóttur og Sigurði Þór Guðmundssyni. Í ár hljóta þau Hvatningarverðlaun, sem eru veitt til fyrirtækis sem býður upp á þjónustu sem byggir vel undir ímynd Norðurlands og er orðið þekkt meðal innlendra og erlendra ferðamanna fyrir einstaka upplifun.
Þau Hildur og Sigurður hafa látið til sín taka í samstarfi bæði á öllu Norðurlandi en einnig á sínu nærsvæði. Slíkt sást einna best í sumar þegar þau buðu í fyrsta sinn upp á nýja upplifun fyrir farþega smærri skemmtiferðaskipa, tóku á móti þeim ýmist í fjörunni á þeirra landareign eða á bryggjunni við Þórshöfn þegar veðuraðstæður leyfðu ekki annað. Heimafólk fór með ferðamenn í dagsferðir um nágrenni Grásteins í Þistilfirði, gaf þeim innsýn í líf fólks á Norðurhjara, menninguna og bauð þeim að smakka á hráefnum úr heimabyggð.
Þessar ferðir gengu frábærlega og sýnir fram á að nýsköpun þarf ekki að vera svo flókin. Þegar trú heimamanna og fagleg nálgun helst í hendur, gerast góðir hlutir. Því miður komust þau Hildur og Sigurður ekki með á Uppskeruhátíð, en viðurkenningunni verður komið til þeirra við fyrsta tækifæri.
/fréttatilkynning frá Markaðsskrifstofu Norðurlands
Fleiri fréttir
-
Mennta- og barnamálaráðherra heimsækir FNV
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.10.2025 kl. 12.25Mennta- og barnamálaráðherra, Guðmundur Ingi Kristjánsson er á ferðalagi um landið að heimsækja framhaldsskóla landsins og heimsótti hann Fjölbrautaskóla Norðurlands vestra 23. október síðastliðinn ásamt fylgdarliði.Meira -
Ekki góð vika hjá Tindastólsmönnum
feykir.is Skagafjörður, Íþróttir, Lokað efni 24.10.2025 kl. 11.03Tindastólsmenn spiluðu við lið Njarðvíkinga í IceMar-höllinni í gærkvöldi. Heimamenn byrjuðu leikinn vel og náðu ágætu forskoti í fyrsta leikhluta. Þrátt fyrir mörg ágæt áhlaup Stólanna í síðari hálfleik þá var holan sem þeir grófu sér í fyrri hálfleik full djúp og þá hittu þeir grænu geysilega vel úr 3ja stiga skotum sínum og hleyptu Stólunum aldrei alveg upp að hlið sér. Lokatölur 98-90 og fyrsta tap Stólanna í Bónus deildinni því staðreynd.Meira -
Drangar kynntu uppbyggingu á þjónustukjarna með lágvöruverslun á Blönduósi
feykir.is Austur-Húnavatnssýsla, Mannlíf, Lokað efni 24.10.2025 kl. 09.30Húnabyggð flautaði til upplýsingafundar í gær og fjölmenntu heimamenn í félagsheimilið á Blönduósi. Á fundinum voru kynntar metnaðarfullar hugmyndir um uppbyggingu á þjónustukjarna með lágvöruverslun á Blönduósi. Það voru Auður Daníelsdóttir forstjóri Dranga og Vífill Ingimarsson framkvæmdastjóri rekstrarsviðs Orkunnar sem kynntu áætlun Dranga um uppbyggingu á Blönduósi.Meira -
Skagfirðingabraut 26, Sauðárkróki | Skipulagslýsing
feykir.is Skagafjörður 24.10.2025 kl. 09.26Sveitarstjórn Skagafjarðar samþykkti á 42. fundi sínum þann 15. október 2025 að auglýsa skipulagslýsingu fyrir gerð deiliskipulags fyrir lóð númer 26 við Skagfirðingabraut á Sauðárkrók í Skagafirði skv. 40 gr. skipulagslaga nr. 123/2010. Hér er sett fram skipulagslýsing vegna gerð nýs deiliskipulags fyrir skólasvæði FNV við Skagfirðingabraut 26 á Sauðárkrók. Skipulagslýsingin er sett fram á einum uppdrætti með greinargerð nr. SL01, dags. 13.10.2025, verknúmer 56293200, unnin af Stoð ehf. verkfræðistofu.Meira
