Húnavakan að hefjast
Nú er Húnavakan í þann mund að hefjast en hún verður sett formlega kl. 18:45 á morgun. Íbúar Blönduóss og nágrennis verða væntanlega í önnum í kvöld við að skreyta umhverfi sitt í bak og fyrir með rauðum lit og ísbjörnum og verða veitt verðlaun fyrir best skreytta húsið. Að verklokum eru svo hverfin eða göturnar hvött til að slá saman í grill. Í kvöld kl. 22 verður haldið Blö Quiz í félagsheimilinu þar sem þrjú efstu sætin vinna til verðlauna.
Á morgun, föstudag, verður opið hús hjá mörgum fyrirtækjum á Blönduósi þar sem gestum og gangandi verður boðið að kynna sér starfsemina og jafnvel að gera góð kaup á völdum vörum. Kvennaskólinn, Þekkingarsetrið og Vinir Kvennaskólans taka á móti gestum milli kl. 13:00 og 17:00. Þá verður Heimilisiðnaðarsafnið opið kl. 10-17 um helgina þar sem sýningin „Prjónað af fingrum fram“ stendur nú yfir.
Eftir setningarathöfnina kl. 18:45 verður svo efnt til RISA kótelettukvölds og kvöldskemmtunar í félagsheimilinu. Þar mun eftirherman Jóhannes Kristjánsson fara með gamanmál, frumflutt verður nýtt lag Frjálsa kótelettufélagsins í Austur-Húnavatnssýslu og Frikki trúbador heldur uppi stuðinu. Miðapantantir á kótelettukvöld eru á netfanginu hunavaka@blonduos.is eða í síma 691-8686 (Kristín) og 893-4331 (Valli). Hægt er að lesa viðtal við Valdimar Guðmannsson, helsta forsprakka Frjálsa kótelettufélagsins, í frétt á Húni.is.
Kl. 20:00 verður leikur á Blönduóssvelli þar sem Kormákur/Hvöt og Kóngarnir eigast við og ætlar Ísgel að bjóða áhugasömum á leikinn. Veitingastaðurinn Retro á Hótel Blöndu verður opinn til 22:30 þar sem hljómsveitin Feðgarnir heldur uppi stuðinu og kl. 23:00 hefst dansleikur með Á móti sól í félagsheimilinu. Á laugardag heldur svo gleðin áfram með fjölbreyttri og skemmtilegri dagskrá.
Dagskrá Húnavöku má nálgast hér.
Fleiri fréttir
-
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum,himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira -
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira
