Hvers vegna Pride?
Listasýningin „Hvers vegna Pride?“ opnar á Blönduósi – list, samfélag og fjölbreytileiki í forgrunni. Hillebrandtshús í gamla bænum á Blönduósi verður vettvangur litríkra verka þegar listasýningin Hvers vegna Pride? opnar föstudaginn 15. ágúst kl. 16:00. Sýningin stendur til 30. ágúst og verður opin alla daga frá 16:00 til 18:30. Aðgangur er ókeypis.
Gestir fá tækifæri til að fræðast meira um Pride, uppruna þess og mikilvægi þess að fagna hinsegin menningu – ekki síst í smærri samfélögum. Jafnframt verða til sýnis verk listafólks úr héraðinu, sem endurspegla ólíkar nálganir og persónulega sýn á þema sýningarinnar.
„Pride snýst ekki bara um hátíðahöld í stærstu bæjum landsins – það er líka loforð um að hvert einasta samfélag, sama hversu fámenn eða afskekkt, sé öruggt og opið fyrir alla,“ segir sýningarstjórinn, Morgan Bresko. „Með þessari sýningu viljum við skapa vettvang fyrir samtal, skilning og stuðning.“
Boðið verður upp á léttar veitingar á opnunardeginum, föstudaginn 15. ágúst.
Sýningin Hvers vegna Pride? verður haldin í Hillebrandtshúsi í gamla bænum á Blönduósi dagana 15.–30. ágúst 2025 og verður opin alla daga frá kl. 16:00 til 18:30 með ókeypis aðgangi.
/Fréttatilkynning
Fleiri fréttir
-
Loforð hafa verið margsvikin
feykir.is Austur-Húnavatnssýsla, Lokað efni 15.08.2025 kl. 11.30Húnahornið segir frá því að sveitarstjórn Húnabyggðar harmar þann trúnaðarbrest sem orðið hefur milli sveitarfélagsins og yfirvalda vegna stjórnunar samgöngumála. Sveitarfélagið hefur í sumar gert alvarlegar athugasemdir við upplýsingagjöf Vegagerðarinnar, m.a. um frestun framkvæmda við Skagaveg og breytingar á framkvæmdum við Vatnsdalsveg.Meira -
Maggi kláraði með stæl
feykir.is Skagafjörður, Mannlíf, Lokað efni 15.08.2025 kl. 08.35Eins og við á Feyki sögðum frá í gær hjólaði Magnús frá Brekkukoti hringinn í Skagafirði á handaflinu einu til að safna áheitum til að kaupa sér rafmagnsfjórhjól. Er skemmst frá að segja að Maggi kláraði verkefnið eins og að drekka vatn og kom síðdegis í Hofsós þar sem fjöldi fólks tók á móti honum.Meira -
Stólastúlkur nældu í stig í blálokin gegn Þrótti
feykir.is Skagafjörður, Íþróttir, Lokað efni 14.08.2025 kl. 23.00Tindastólsstúlkur fengu lið Þróttar Reykjavík í heimsókn í kvöld í Bestu deildinni. Eins oft vill verða þá vildu bæði lið stigin sem í boði voru en það fór svo að þau fengu sitt hvort stigið sem gerði kannski ekki mikið fyrir gestina í toppbaráttu deildarinnar en gæti reynst dýrmætt í botnslagnum fyrir lið Tindastóls. Lokatölur 1-1.Meira -
Hinir miklu lýðræðissinnar | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.08.2025 kl. 20.16Fyrr á árinu skrifaði Þorgerður Katrín Gunnarsdóttir, utanríkisráðherra og formaður Viðreisnar, undir samkomulag við Evrópusambandið sem meðal annars felur í sér að Ísland aðlagi sig að utanríkisstefnu sambandsins. Þar segir með skýrum hætti: „Aðlögun að utanríkisstefnu ESB […] aðlögun EFTA/EES-ríkjanna að ákvörðunum, yfirlýsingum og refsiaðgerðum ESB.“ Þorgerður hefur þvertekið fyrir þetta þrátt fyrir að það standi beinlínis í skjalinu sem hún undirritaði.Meira
