Íbúðarhús í Geldingaholti eyðilagðist í bruna
Íbúðarhús í Geldingaholti í Skagafirði er rústir einar eftir að eldur kviknaði þar í dag. Talið er að glóð hafi kviknað þegar starfsmenn Skagafjarðarveitna voru við vinnu vegna nýs inntaks fyrir heitt vatn í húsið. Slökkviliði Skagafjarðar barst útkall klukkan 16:39 í dag. Slökkvistarf hefur reynst erfitt og er stendur enn yfir.
„Þetta hefur verið mjög erfitt slökkvistarf,“ sagði Svavar Atli Birgisson, slökkviliðsstjóri hjá slökkviliði Skagafjarðar, í samtali við blaðamann Feykis. „Þetta er mjög gamalt hús, einangrað með torfi og mikil holrúm í veggjum.“ Kona sem var eini íbúi hússins var ekki heima þegar eldsins varð vart. Sem fyrr segir voru starfsmenn Skagafjarðarveitna á staðnum við vinnu vegna nýs inntaks fyrir heitt vatn í húsið. Er talið að glóð hafi kviknað með fyrrgreindum afleiðingum. Svavar Atli segir að þegar komið var á staðinn hafi verið hiti í vegg. „Við byrjuðum á að rjúfa vegginn og þetta reyndist mun meira en virtist í fyrstu. Þarna var kominn eldur í vegg og jafnvel þak og húsið varð fljótlega alenda og er gjörónýtt,“ sagði hann.
Þegar blaðamaður Feykis kom á vettvang á ellefta tímanum í kvöld var allt tiltækt slökkvilið á staðnum ásamt lögreglu og sjúkrabifreið. Þá voru stórvirkar vinnuvélar á staðnum. Svavar sagði mikilvægt að ljúka slökkvistarfinu sem fyrst og rífa niður það sem eftir stæði af húsinu, enda getur eldur kraumað dögum og jafnvel vikum saman við aðstæður sem þessar.
Fleiri fréttir
-
Gönguferð í garðinum II
feykir.is Skagafjörður, Íþróttir, Lokað efni 18.10.2025 kl. 15.20Tindastólsmenn skelltu sér í Skógarselið í Breiðholti í gær þar sem Njarðvíkurbanarnir í ÍR biðu þeirra. Það er stutt á milli leikja hjá Stólunum sem þurfa að ströggla við að djöggla á tveimur vígstöðvum; í Bónus deildinni og Evrópudeildinni. Ekki virtist það vera að trufla okkar menn sem voru eins og nýopnuð ísköld Pepsi Max-dós, sprúðlandi fjögurgir og fullir af ómótstæðilegu gosi og ferskleika. Lokatölur voru 67-113 og næst skjótast strákarnir til Tékklands.Meira -
Hefur hannað föt frá 14 ára aldri
feykir.is Skagafjörður, Lokað efni 18.10.2025 kl. 12.00Á Sauðárkróki býr ungur fatahönnuður að nafni Jörundur Örvar Árnason sem hefur verið að hanna föt síðan 2020 þá aðeins 14 ára gamall. Hann hannar undir merkinu Undur.Meira -
Ekki bjartsýn en vongóð
feykir.is Skagafjörður, Lokað efni, Hvað segja bændur? 18.10.2025 kl. 11.00Davíð Logi Jónsson er fæddur og uppalinn Blöndhlíðingur, sonur hjónanna í Réttarholti, Auðar og Jóns. Davíð er í dag bóndi á Egg í Hegranesi og giftur Emblu Dóru Björnsdóttur. Saman eiga þau dæturnar Auði Fanneyju sem er í 5. bekk í Árskóla og Guðrúnu Heklu sem er í 2. bekk. Davíð og Embla eru með um 60 mjólkandi kýr, nokkur hross og 40ha skóg. Að auki er Embla í hlutastarfi í Farskólanum á Sauðárkróki. Fyrst liggur beinast við að spyrja hvernig gengur í sveitinni.Meira -
Tók í sundur ónýtar tölvur í leikskólanum
feykir.is Skagafjörður, Lokað efni 18.10.2025 kl. 08.00Einn 23 ára gamall Skagfirðingur keppti fyrir Íslands hönd á EuroSkill þetta árið en það var Daniel Francisco Ferreira sem alinn er upp á Ytra-Vatni á Efribyggðinni í Lýtó, sonur Anítu Ómarsdóttur og Sigurðar Jóhannssonar. Að lokum Varmahlíðarskóla fór Daniel til Akureyrar í Verkmenntaskólann, kláraði sveinspróf í rafvirkjun og svo í rafeindavirkjun, þegar því var lokið tók hann stúdentsprófið. Eins og er býr Daniel hjá mömmu sinni í Reykjavík, þurfti aðeins að flýta flutningum suður vegna EuroSkills, en stefnan var alltaf að fara suður í áframhaldandi nám svo það var kannski ekki eftir neinu að bíða. Feykir tók tal af Daniel eftir að hann kom heim og tók stöðuna.Meira -
Draugasýning og draugasögur í Safnahúsinu
feykir.is Skagafjörður, Listir og menning, Lokað efni 17.10.2025 kl. 13.05Það verður (ó)notaleg stemning á Héraðsbókasafni Skagfirðinga í Safnahúsinu á Sauðárkróki fimmtudaginn 23. október en þá mætir Dagrún Ósk Jónsdóttir þjóðfræðingur og segir frá draugum og þeim ólíku gerðum drauga sem finnast á Íslandi, uppvakningum, afturgöngum og útburðum, auk þess að segja nokkrar vel valdar íslenskar draugasögur.Meira
