Kirkjukór Sauðárkróks 70 ára
Í ár fagnar Kirkjukór Sauðárkróks 70 ára afmæli sínu. Í tilefni af því buðu kórfélagar í afmæliskaffi síðastliðinn sunnudag í félagsheimilinu Ljósheimum að lokinni messu í Sauðárkrókskirkju.
Fyrrverandi söngfélagar og aðrir velunnarar kórsins skunduðu í Ljósheima og samglöddust kórfélögum. Einn af stofnendum kórsins, Anna Pála Guðmundsdóttir, mætti á afmælishátíðina og voru henni færð blóm og þökkuð störf í þágu kórsins. Þá söng kórinn nokkur lauflétt lög.
Í bókinni Sauðárkrókskirkja og formæður hennar segir: „Kirkjukór Sauðárkróks var stofnaður 20. ágúst, mest að tilstuðlan Sigurðar Birkis söngmálastjóra og Eyþórs Stefánssonar. Stofnendur voru tuttugu, en þrjátíu talsins, ef allir eru taldir, sem urðu virkir félagar á árinu 1942.“ Samkvæmt félagslögum skildi tilgangur kórsins vera að starfa að „...kirkjulegri söngmennt og tónlist, með samsöngum og á annan hátt, er heppilegastur telst á hverjum tíma.“
Núverandi formaður Kirkjukórs Sauðárkróks er Sólveig Þorvaldsdóttir en organisti og stjórnandi kórsins er Rögnvaldur Valbergsson en hann hefur gegnt starfinu í rúman aldarfjórðung.
Rögnvaldur spilar undir.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
