Körfuboltafjör á Skagaströnd á laugardag
Það er ekki bara á Króknum sem verður spilaður körfubolti um helgina hér á Norðurlandi vestra. Í dag og á morgun munu þrjú li,ð sem taka þátt í 1. deild karla í vetur, leiða saman hesta sína og spila þrjá æfingaleiki í íþróttahúsi Skagastrandar. Milli leikja á morgun verður boðið upp á körfuboltafjör fyrir unga iðkendur og auk Skagstrendinga er áhugasömum á Blönduósi og í nágrenni Skagastrandar velkomið að mæta.
Samkvæmt upplýsingum Feykis voru Fjölnismenn úr Grafarvogi að leita að stað til að æfa og spila leiki eina helgi. Auk Fjölnis mæta lið Snæfells frá Stykkishólmi og Þórs frá Akureyri á Skagaströnd, gista þar og spila þrjá leiki innbyrðis. Fyrsti leikurinn verður í kvöld kl. 19:30 en þá mætast Fjölnir og Snæfell.
Tveir leikir verða síðan spilaðir á morgun, laugardaginn 20. september, sá fyrri kl. 12 og sá síðari kl. 17.
19. september kl. 19:30 / Fjölnir-Umf. Snæfell
20. september kl. 12:00 / Þór-Umf. Snæfell
20. september kl. 17:00 / Fjölnir-Þór
Leikmenn Fjölnis og Snæfells bjóða síðan upp á körfuboltafjör – námskeið milli leikja á morgun, laugardag, þar sem ungum og áhugasömum körfuboltakrökkum býðst að mæta.
1.-5. bekkur kl. 14:00-15:00
6.-10. bekkur kl. 15:00-16:00
Ekki eru áhorfendapallar í íþróttahúsinu á Skagaströnd en Arnar í íþróttahúsinu sagði að gestum væri velkomið að kíkja á leikina.
Fleiri fréttir
-
Síkið í kvöld!!
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 04.11.2025 kl. 13.00Nú er búið að taka til í Síkinu eftir árshátíð ársins og leikdagur framundan hjá meistaraflokki kvenna. Tindastóll tekur á móti Keflvíkingum.Meira -
Gleði og gaman á Kótilettukvöldi í Eyvindarstofu
feykir.is Austur-Húnavatnssýsla, Mannlíf 04.11.2025 kl. 12.35Það var ekki bara Kaupfélag Skagfirðinga sem stóð fyrir veislu um helgina, Valli í Húnabyggð lét ekki deigan síga og stóð fyrir 51. kótilettukvöldinu sem fram fór í Eyvindarstofu á Blönduósi. „Mikil gleða og en meira gaman,“ skrifar Valli á Facebook sem segir að Helgi Páll veislustjóri hafi farið á slíkum kostum að hann var umsvifalaust ráðinn til að endurtaka leikinn að ári.Meira -
Sýningin 1238: Baráttan um Ísland er til sölu
feykir.is Skagafjörður, Listir og menning 04.11.2025 kl. 11.57Í gær mátti sjá á heimasíðu 1238: Baráttan um Ísland að sýningin væri til sölu en rétt rúm sex ár eru síðan opnað var með pomp og prakt í nýuppgerðu húsnæði í Gránu og gamla samlaginu við Aðalgötuna á Sauðárkróki. Sannarlega metnaðarfull og glæsileg sýning sem jók fjölbreytnina í ferðaþjónustu á Norðurlandi vestra. Feykir hafði samband við Freyju Rut Emilsdóttur sem er framkvæmdastjór Sýndarveruleika ehf, sem meðal annars á og rekur sýninguna 1238 og spurði hana út í málið.Meira -
Glæsileg árshátíð Kaupfélags Skagfirðinga
feykir.is Skagafjörður, Ljósmyndavefur, Mannlíf 04.11.2025 kl. 09.56Árshátíð Kaupfélags Skagfirðinga var haldin sl. laugardagskvöld og er alveg óhætt að segja að öllu hafi verið tjaldað til þegar Síkinu á Sauðárkróki var bókstaflega breytt í höll. Gestir mættu á rauða dreg-ilinn og ekki nokkur leið að þekkja íþróttahúsið og ætlar blaðamaður að leyfa sér að fullyrða að svona hafi Síkið aldrei litið út.Meira -
Erfiðlega gengur að manna leikskóla í Skagafirði
feykir.is Skagafjörður 04.11.2025 kl. 08.54Á fundi fræðslunefndar Skagafjarðar í síðustu viku var starfsumhverfi leikskóla í Skagafirði til umfjöllunar. Þar kom m.a. fram að erfiðlega gangi að manna fjölmarga vinnustaði í sveitarfélaginu og þar á meðal leikskóla. Því til skýringar er bent á að atvinnuleysi á Norðurlandi vestra mælist undir 1%. „Leitað er allra leiða til að fá fólk til starfa á leikskólum sem hafa skilað nokkrum árangri. Jafnframt hefur verið auglýst eftir dagforeldrum, en engar fyrirspurnir hafa borist vegna þess,“ segir í fundargerðinni.Meira
