KR-ingar höfðu betur í fyrsta leik
Úrslitakeppnin í Iceland Express deild karla hófst í gærkvöldi og héldu Tindastólsmenn suður yfir heiði, alla leið í Vesturbæinn þar sem kempur KR biðu eftir þeim ásamt fjölmennum og fríðum flokki stuðningsmanna Tindastóls. KR-ingar höfðu frumkvæðið lengstum í leiknum og lönduðu nokkuð öruggum sigri þó Stólarnir hafi gert góða atlögu að þeim undir lok þriðja leikhluta. Lokatölur 84-68.
KR gerði fyrstu þrjár körfur leiksins en Stólarnir náðu að jafna 10-10 og komust síðan yfir 14-15 með 3ja stiga körfu frá Allen. Heimamenn náðu þó frumkvæðinu aftur og til að gera langa sögu stutta þá héldu þeir forystunni til leiksloka. Staðan var 23-19 að loknum fyrsta leikhluta en Svabbi minnkaði muninn í eitt stig, 25-24, snemma í öðrum leikhluta. Leikurinn var síðan í járnum en KR yfirleitt með þetta 5-8 stiga forskot þangað til tvær mínútur voru til hálfleiks en þá kom slæmur kafli hjá Tindastólsmönnum. Á meðan KR bætti við 7 stigum gerðu Stólarnir ekkert og staðan breyttist úr 39-32 í 46-32.
Okkar menn voru þó ekkert á því að leggja upp laupana og Þröstur Leó og Helgi Rafn gerðu fyrstu körfurnar í síðari hálfleik. KR-ingar voru ekki á þeim buxunum að gefa eftir og munurinn yfirleitt 8-15 stig. Þegar tvær mínútur lifðu af þriðja leikhluta kom Svabbi inná og gerði 5 stig í röð og skyndilega aðeins 3ja stiga munur, staðan 60-57.
Báðum liðum gekk illa að nýta góð færi en í fjórða leikhluta voru heimamenn í KR skynsamari og voru duglegir við að koma boltanum inn í teig á Ferguson sem nýtti færi sín vel og smátt og smátt jókst munurinn á ný. Þegar 6 mínútur voru eftir af leiknum minnkaði Þröstur Leó muninn í 69-63 en tvær 3ja stiga körfur frá Sencanski og Ferguson gerðu vonir Tindastólsmanna um sigur litlar, sérstaklega þar sem Stólarnir skoruðu ekki í 4 mínútur um miðjan leikhlutann. Það fór því svo á endanum að KR landaði öruggum sigri, 84-68.
Leikmenn Tindastóls náðu sér ekki á strik í sókninni í gærkvöldi en varnarleikur liðsins var á köflum ágætur. Enginn leikmaður stóð uppúr en stigahæstur Stólanna var Curtis Allen með 16 stig og 7 fráköst. Miller var með ansi dapra skotnýtingu, setti aðeins niður 3 af 14 skotum sínum en hann var heitari á vítalínunni þar sem hann setti niður öll 7 skot sín. Helgi Rafn gerði 9 stig og reif niður 8 fráköst og þá átti Svabbi góða innkomu og setti 11 stig.
Nú er annar leikur liðanna næstkomandi sunnudag í Síkinu og eru stuðningsmenn Tindastóls hvattir til að fjölmenna og hvetja Tindastól til sigurs. KR-ingar hafa heimsótt Síkið tvisvar áður í vetur og ekki hafa þeir riðið feitum hestum frá þeim viðureignum. Það er algjör óþarfi að fara að breyta því eitthvað. Áfram Tindastóll!
Stig Tindastóls: Allen 16, Miller 13, Þröstur Leó 12, Svabbi 11, Helgi Rafn 9, Tratnik 5 og Hreinsi 2.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
