„Krafan er skýr, eðlileg og sanngjörn“
Þórarinn Sverrisson formaður Öldunnar stéttarfélags í Skagafirði er í viðtali í prentútgáfu Feykis, sem kom út í dag. Tilefnið er að Starfsgreinasamband Íslands afhenti Samtökum atvinnulífsins fyrr í vikunni kröfugerð sína vegna komandi kjaraviðræðna. Farið er fram á krónutöluhækkanir á laun og að lægsti taxti verði 300 þúsund krónur á mánuði innan þriggja ára. Sérstaklega verði horft til gjaldeyrisskapandi atvinnugreina við launahækkanir.
Þórarinn Sverrisson segir að mikill einhugur ríki innan Starfsgreinasambandsins um kröfugerðina.
„Það þýðir ekkert að horfa á einhverjar prósentur þegar talað er um laun, grundvallaratiðið er að fólk geti lifað af dagvinnulaunum og þurfi ekki að taka á sig mikla yfirvinnu eða aukavinnu til að ná endum saman. Millistjórnendur og stjórnendur fyrirtækja hafa hækkað verulega í launum á undanförnum misserum og einnig nokkrar stéttir, svo sem kennarar og læknar. Það gengur einfaldlega ekki að verkafólk verði skilið eftir í launakjörum enda er krafa okkar skýr og ég vil meina að hún sé sanngjörn og eðlileg.“
Viðbrögðin eftir bókinni
Samtök atvinnulífsins lýstu strax yfir vonbrigðum með kröfur Starfsgreinasambandsins og benda á að launabreytingar í nágrannalöndum séu á bilinu 2% til 4% á ári. Svigrúmið til að hækka launin sé þess vegna takmarkað í augnablikinu. Þórarinn segir að afstaða Samtaka atvinnulífsins hafi verið eftir bókinni.
„Viðbrögðin voru vituð fyrirfram, við bjuggumst ekki við öðru en neikvæðum tóni, sem kom strax á daginn. Við bendum hins vegar á að langur vinnudagur og mikið álag dregur úr framleiðni og eykur samfélagslegan kostnað, svo sem í velferðarkerfinu.Þegar samið var við kennara og lækna talaði enginn um að samfélagið færi á hausinn, en þegar við leggjum fram okkar kröfur, ætlar allt um koll að keyra. Þetta er sem sagt sami gamli söngurinn, enn og aftur.“
Hugur í fólki
Þórarinn segir að aðildarfélög Starfsgreinasambandsins komi vel undirbúin til samningaviðræðna.
„Það er hugur í fólki og við teljum okkur ekki setja fram óraunhæfar kröfur. Það gengur einfaldlega ekki upp að auka tekjumuninn enn frekar, eins og gert hefur verið á undanförnum árum,“ segir Þórarinn Sverrisson formaður Öldunnar stéttarfélags í Skagafirði. /KEP
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
