Króksbrautarhlaupið á morgun
Sumarstarfi Skokkhópsins á Sauðárkróki lýkur á morgun, þann 20. september, með hinu árlega Króksbrautarhlaupi. Þá velur fólk sér þá vegalengd sem það ætlar sér að leggja að baki og hleypur á Krókinn á brautinni milli Varmahlíðar og Sauðárkróks. Hægt er að hlaupa, ganga, hjóla eða koma sér áfram á annan hátt til að vera með, segir Árni Stefánsson skipuleggjandi Króksbrautarhlaupsins.
Boðið verður upp á rútuferðir frá Sundlaug Sauðárkróks kl. 9:30 fyrir þá sem lengst fara eða í Varmahlíð en þaðan er um 25 km á Krókinn. Önnur ferð verður kl. 10:30 fyrir þá sem velja sér styttri vegalengd eða lengst í Kjartansstaði en þaðan er um 15 km. Rútugjaldið er þúsund krónur sem rennur beint í góðgerðarsöfnun þar sem Suðurleiðir aka án gjaldtöku. Drykkjarstöðvar verða á hefðbundnum stöðum, Glaumbæ, Melsgili og Bergstöðum.
Árni segir að æskilegt sé fyrir hlaupara að klæðast áberandi fatnaði og ferðast á móti umferðinni. Það á líka við um hjólafólkið þegar það hjólar samsíða hlaupurunum þó svo það stríði gegn reglum en það sé gert til að bílar eigi greiða leið framhjá þátttakendum.
Að þessu sinni verður hlaupið tileinkað Dýrleifu Tómasdóttur, betur þekkt sem Dýlla, en hún glímir við krabbamein og er í meðferð í Svíþjóð þar sem hún gekkst undir beinmergsskipti. Ljóst er að framundan er erfið og kostnaðarsöm barátta fyrir Dýllu og vill skokkhópurinn leggja sitt af mörkum til að létta undir hjá Dýllu. Þeir sem vilja gera slíkt hið sama, en sjá sér ekki fært að mæta, geta einnig lagt inn á söfnunarreikning sem Blakfélagið Kræjurnar stofnaði í nafni Dýllu: 161-15-550405, kt.: 240560-3729.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
