Krúttlegasta hjólamótið snýr aftur í Kjarnaskóg á sunnudaginn
Hjólreiðafélag Akureyrar, Akureyrardætur og Krónan standa á ný fyrir Krónuhjólamótinu næstkomandi sunnudag. Hjólamótið er ætlað börnum á aldrinum 2 til 12 ára og verður haldið á Birkivöllum í Kjarnaskógi. Skráning er hafin og eru öll börn velkomin til þátttöku.
Mótið hefst klukkan 9 þegar yngstu þátttakendurnir leggja af stað á sparkhjólum og í kjölfarið taka eldri flokkar við. Keppt verður í sex aldursflokkum, allt frá tveggja ára börnum upp í tólf ára hjólagarpa. Foreldrar og forráðamenn mega hlaupa eða ganga með yngstu börnunum á brautinni. Í elsta aldursflokknum verður jafnframt keppt um þrjú efstu sætin í bæði stúlkna- og drengjaflokki.
Líkt og í fyrra mæta hjólakapparnir í BMX Brós og sýna hjólalistir sínar við Kjarnakot klukkan 11.
Góðar aðstæður til hjólreiða á Akureyri
Bjarni O. Einarsson hjá Hjólreiðafélagi Akureyrar segir hjólreiðar njóta mikilla vinsælda á Akureyri og að viðburðir sem þessi skipti miklu máli fyrir yngri iðkendur.„Það er frábært að sjá Krónuhjólamót Hjólreiðafélags Akureyrar og Akureyrardætra festa sig í sessi hér fyrir norðan, enda býður Akureyri upp á einstakar aðstæður til hjólreiða. Það skiptir miklu máli að börn fái tækifæri til að upplifa hjólreiðar í jákvæðu og skemmtilegu umhverfi þar sem allir geta tekið þátt á sínum forsendum. Nú er tilvalið að gera hjólin klár fyrir sumarið og mæta með fjölskyldunni í Kjarnaskóg til að njóta dagsins með okkur. Við hlökkum til að taka á móti ungum hjólagörpum á mótinu í ár og vonum að sem flestir þeirra sem tóku þátt í fyrra láti sjá sig aftur,“ segir Bjarni.
Fleiri fréttir
-
Björnis brunabangsi heimsækir Krókinn eftir viku
feykir.is Skagafjörður, Mannlíf 12.06.2026 kl. 10.22Gaman er að segja frá því að Björnis brunabangsi ætlar að kíkja í heimsókn til Skagafjarðar dagana 19. og 20. júní nk. Björnis hefur undanfarið verið öllum slökkviliðum landsins til aðstoðar við fræðslu og forvarnarstarf, einkum þegar kemur að fræðslu fyrir yngstu kynslóðina.Meira -
Unnur Valborg áfram sveitarstjóri í Húnaþingi vestra
feykir.is Vestur-Húnavatnssýsla, Mannlíf 12.06.2026 kl. 08.56Fyrsti fundur nýrrar sveitarstjórnar í Húnaþingi vestra fór fram seinni partinn í gær og þar var kosið í nefndir og ráð. Á dögunum var tilkynnt um að Framsókn og aðrir framfarasinnar og Sjálfstæðismenn og óháðir hafi komist að samkomulagi um meirihlutamyndun. Á fundinum var borin upp tillaga þess efnis að Sigurður Líndal Þórisson B-lista yrði kjörinn oddviti sveitarstjórnar og Örn Arnarson D-lista varaoddviti. Var það samþykkt með fjórum atkvæðum en þrír fulltrúar N-lista greiddu atkvæði á móti tillögunni.Meira -
Stefna á að auka þjónustuna og bæta við sig verkefnum
feykir.is Skagafjörður, Lokað efni 11.06.2026 kl. 16.35Þeir sem keyra um Krókinn í leit að nýjum og spennandi vísum að framkvæmdum hafa eflaust tekið eftir því að sunnan við Vélaverkstæði KS er búið að taka grunn og framkvæmdir hafnar. Þar stendur nefnilega til að byggja við vélaverkstæðið og er víst löngu kominn tími til að sögn Hjartar Elefsen sem tók við sem forstöðumaður í ársbyrjun 2024. Hjörtur hóf störf á vélaverkstæðinu árið 1999 og tók við verkstjórn þar sjö árum síðar. Feykir forvitnaðist aðeins um Hjört og framkvæmdirnar framundan.Meira -
Hinsegin dagar í Skagafirði
feykir.is Skagafjörður, Mannlíf, Lokað efni 11.06.2026 kl. 15.31Í Skagafirði verður haldið upp á hinsegin daga. Hátíðin mun standa yfir frá 10.-15. ágúst. Eins og kemur fram á heimasíðu Skagafjarðar er markmið hátíðarinnar að auka sýnileika LGBTQ+ samfélagsins og byggja upp samfélag sem er opið og öruggt fyrir alla íbúa og gesti.Meira
