Bandaríski leikmaðurinn Jalen Adaway gengur til liðs við Stólana
Á Facebook síðu Körfuknattleiksdeild Tindastóls kom fram að liðið hefur samið við bandaríska leikmanninn Jalen Adaway um að leika með liðinu á komandi tímabili. Hann er hörku varnarmaður og ætlar sér að gefa 110% í hvern einasta leik.
Jalen er 196 cm bakvörður með sterkan feril að baki úr NCAA, NBA G League og atvinnudeildum beggja vegna Atlantshafsins. Hann lék háskólabolta með Miami University og St. Bonaventure, þar sem hann var valinn í First Team All-Atlantic 10, árið 2022. Hann hefur sýnt styrk sinn sem atvinnumaður í krefjandi deildum erlendis. Meðal annars varð hann meistari í Slóvakíu með Patrioti Levice.
Jalen Adaway er leikmaður sem passar vel inn í lið Stólana en hann er líkamlega sterkur, árásargjarn, duglegur í fráköstum og tilbúinn að leggja sig allan fram báðum megin á vellinum. Hann getur skorað, sótt af krafti að körfunni og komið með orku sem við vitum að stuðningsmenn Tindastóls kunna að meta.
”Þetta verður frábært tímabil! Ég er svo spenntur að verða partur af Tindastólsliðinu og get ekki beðið eftir að koma á Krókinn. Ég sé helling sem ég er spenntur fyrir og ætla að gefa 110% í hvern einasta leik! Áfram gakk!“ sagði Jalen.
„Við erum spenntir að vinna með Jalen. Hann er góður íþróttamaður sem getur spilað hörkuvörn. Sóknarlega getur hann bæði búið til með boltann í höndunum og spilað án bolta,” sagði Arnar Guðjónsson, þjálfari Tindastóls.
Nú styttist í körfuboltatímabilið og mikil tilhlökkun er fyrir því.
Velkominn í Síkið Jalen Adaway!
Fleiri fréttir
-
Feykir og Sjónhorn farið í sumarfrí
feykir.is Skagafjörður, Austur-Húnavatnssýsla, Vestur-Húnavatnssýsla 27.07.2026 kl. 08.37Nú er starfsfólk Nýprents farið í sumarfrí og mætir aftur til starfa mánudaginn 10. ágúst. Emma Katrín sumarafleysingastarfsmaður Feykis verður á fréttavaktinni og sér um að koma fréttum og efni á Feyki.is.Meira -
Glæsilegir tónleikar í Heimilisiðnaðarsafninu | Elín S. Sigurðardóttir skrifar
feykir.is Austur-Húnavatnssýsla, Aðsendar greinar 27.07.2026 kl. 08.29Sunnudaginn 19. júlí voru haldnir Stofutónleikar í Heimilisiðnaðarsafninu en skapast hefur hefð fyrir slíkum tónleikum á síðasta degi Húnavöku. Það voru Höllustaðasystkinin þau Ólafur Freyr Birkisson, Hulda Margrét Birkisdóttir og Helgi Páll Gíslason, sem stigu á stokk og fluttu fjölbreytta dagskrá. Öll eru systkinin einstaklega söngelsk og hafa sungið við ýmis tækifæri frá unglingsaldri.Meira -
Skagafjörður auglýsir vinnslutillögu vegma tjaldsvæðis í Borgargerði
feykir.is Skagafjörður 26.07.2026 kl. 12.11Byggðarráð Skagafjarðar í umboði sveitarstjórnar samþykkti á 202. fundi sínum þann 16. júlí 2026 að auglýsa vinnslutillögu fyrir ”Tjaldsvæði við Borgargerði á Sauðárkróki, Skagafirði” skv. 40 gr. skipulagslaga nr. 123/2010. Helsta markmið deiliskipulagsins er að setja fram stefnu um umgjörð og skipulag fyrir nýtt tjaldsvæði á Sauðárkróki þar sem fyrirhugað er að núverandi tjaldsvæði á Flæðum víki vegna uppbyggingar menningarhúss.Meira -
Gúllassúpa og ostakaka | Matgæðingur Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 26.07.2026 kl. 09.00Matgæðingar vikunnar í tbl. 11 voru Guðmundur Þór og Jóhanna Friðriksdóttir en þau búa á Arnarholti ásamt börnunum Arnheiði Kristínu, Elísu Hebbu og Kristni Erni, sem er reyndar að mestu fluttur að heiman. Guðmundur er húsasmíðameistari og starfar sem framkvæmdastjóri trésmiðjunnar Stíganda á Blönduósi. Jóhanna er reiðkennari og þjálfari og starfar heima á Arnarholti við þjálfun hrossa og reiðkennslu. Síðustu ár hafa þau unnið mikið að því að bæta aðstöðu til þjálfunar hrossa og eru nú komin með gott hesthús með pláss fyrir um 30 hross og góða reiðskemmu til þjálfunar.Meira
