Glæsilegir tónleikar í Heimilisiðnaðarsafninu | Elín S. Sigurðardóttir skrifar
Sunnudaginn 19. júlí voru haldnir Stofutónleikar í Heimilisiðnaðarsafninu en skapast hefur hefð fyrir slíkum tónleikum á síðasta degi Húnavöku.
Það voru Höllustaðasystkinin þau Ólafur Freyr Birkisson, Hulda Margrét Birkisdóttir og Helgi Páll Gíslason, sem stigu á stokk og fluttu fjölbreytta dagskrá. Öll eru systkinin einstaklega söngelsk og hafa sungið við ýmis tækifæri frá unglingsaldri.
Ólafur Freyr, bass/baritónn hefur lokið bakkalárnámi í söng frá tónlistardeild Listaháskóla Íslands en áður nam hann við Söngskólann í Reykjavík. Hann hefur komið fram og gengt ýmsum óperuhlutverkum ásamt því að vera einsöngvari með kórum.
Hulda Margrét stundaði nám í rithmískum söng í Tónlistarskólanum á Akureyri en hefur einnig lagt stund á klassískan söng í Söngskóla Reykjavíkur.
Undanfarin ár hefur Helgi Páll stundað söngnám í Tónlistarskóla Austur-Húnvetninga og á menntaskólaárunum söng hann með Hamrahlíðarkórnum og til margra ára sungið með Karlakór Bólstaðarhlíðarhrepps.
Systkinin buðu upp á blandaða söngdagskrá og renndu sér á milli laga, allt frá okkar heimahéraði og til landsins sígildu karlakórslaga. Tónleikarnir enduðu á undurfallegum og krefjandi tónum úr smiðju Schuberts.
Undirleikarinn Hjalti Þór Davíðsson fylgdi þeim eftir á öruggan og ljúfan hátt.
Eins og oft á Stofutónleikum safnsins, þar sem mikil nálægð er milli flytjenda og gesta, myndaðist mikil stemning, hlýja og afslappað andrúmsloft.
Hver einasti stóll sem fannst í safninu var setinn og þessu unga fólki klappað lof í lófa og létu tónleikagestir í ljósi mikla hrifningu með þessa einstöku Stofutónleika.
Eftir tónleikana þáðu gestir kaffi og kleinur í kaffirými safnsins og áttu saman gæðastund.
Elín S. Sigurðardóttir.
Fleiri fréttir
-
Bandaríski leikmaðurinn Jalen Adaway gengur til liðs við Stólana
feykir.is Skagafjörður, Íþróttir 27.07.2026 kl. 09.36Á Facebook síðu Körfuknattleiksdeild Tindastóls kom fram að liðið hefur samið við bandaríska leikmanninn Jalen Adaway um að leika með liðinu á komandi tímabili. Hann er hörku varnarmaður og ætlar sér að gefa 110% í hvern einasta leik.Meira -
Feykir og Sjónhorn farið í sumarfrí
feykir.is Skagafjörður, Austur-Húnavatnssýsla, Vestur-Húnavatnssýsla 27.07.2026 kl. 08.37Nú er starfsfólk Nýprents farið í sumarfrí og mætir aftur til starfa mánudaginn 10. ágúst. Emma Katrín sumarafleysingastarfsmaður Feykis verður á fréttavaktinni og sér um að koma fréttum og efni á Feyki.is.Meira -
Skagafjörður auglýsir vinnslutillögu vegma tjaldsvæðis í Borgargerði
feykir.is Skagafjörður 26.07.2026 kl. 12.11Byggðarráð Skagafjarðar í umboði sveitarstjórnar samþykkti á 202. fundi sínum þann 16. júlí 2026 að auglýsa vinnslutillögu fyrir ”Tjaldsvæði við Borgargerði á Sauðárkróki, Skagafirði” skv. 40 gr. skipulagslaga nr. 123/2010. Helsta markmið deiliskipulagsins er að setja fram stefnu um umgjörð og skipulag fyrir nýtt tjaldsvæði á Sauðárkróki þar sem fyrirhugað er að núverandi tjaldsvæði á Flæðum víki vegna uppbyggingar menningarhúss.Meira -
Gúllassúpa og ostakaka | Matgæðingur Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 26.07.2026 kl. 09.00Matgæðingar vikunnar í tbl. 11 voru Guðmundur Þór og Jóhanna Friðriksdóttir en þau búa á Arnarholti ásamt börnunum Arnheiði Kristínu, Elísu Hebbu og Kristni Erni, sem er reyndar að mestu fluttur að heiman. Guðmundur er húsasmíðameistari og starfar sem framkvæmdastjóri trésmiðjunnar Stíganda á Blönduósi. Jóhanna er reiðkennari og þjálfari og starfar heima á Arnarholti við þjálfun hrossa og reiðkennslu. Síðustu ár hafa þau unnið mikið að því að bæta aðstöðu til þjálfunar hrossa og eru nú komin með gott hesthús með pláss fyrir um 30 hross og góða reiðskemmu til þjálfunar.Meira
