Leiguverð íbúða Svf. Skagafjarðar breytast
Endurskoðun hefur verið gerð á húsaleigu fasteigna sveitarfélagsins Skagafjarðar en undanfarin misseri hafa leigusamningar einungis verið gerðir til sex mánaða í senn, svo réttur leigjenda til húsaleigubóta tapaðist ekki. Sveitarstjórn hefur samþykkt nýjar reglur um húsnæðismál sem farið verður eftir við endurnýjun eldri leigusamninga og við gerð nýrra.
Samkvæmt heimasíðu Svf. Skagafjarðar er með þessum aðgerðum verið að færa leiguverð íbúða sveitarfélagsins nær því sem gerist á almennum markaði í sveitarfélaginu. Gera má ráð fyrir að í einhverjum tilfellum verði hækkunin töluverð, en á móti kemur að réttur þeirra sem leigja á s.k. félagslegum forsendum verði skýrari, segir á síðunni en hafa ber í huga að húsaleigubætur hækka á móti hjá þeim sem þann rétt eiga. Greint er á milli almennrar leigu og félagslegrar leigu.
Í reglunum er almenn húsaleiga fyrir hvern fermetra ákvörðuð kr. 950 en hámark almennrar mánaðarleigu er kr. 112.500. Þeir leigjendur sem uppfylla skilyrði sem þarf til félagslegrar leigu, leigja fermetrann á 20% lægra verði, kr. 760. Hámark þeirrar leigu er kr. 90.000 á mánuði.
Sjá nánar HÉR
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
