Leti og ómennska
Áfram höldum við að fylgjast með ferðasögu Þuríðar Hörpu í Delhí; -Ákvað að setja inn nokkur orð en hef í raun lítið að segja. Dagurinn búin að vera með eindæmum viðburðasnauður. Rumskaði í morgun við að mamma var komin á fætur fyrir allar aldir, held bara fyrir kl. átta að hella upp á, uppgötvaði svo nokkru síðar að það var Þórir bróðir sem hafði valdið þessu rúmruski svona alltof snemma.
Hann er morgunhani og því tilvalið að hann taki að sér þjónustuna við okkur mæðgur á morgnana, hann er því pantaður hingað kl. hálfníu framvegis í morgunstörf. Ég fór í æfingar og gekk bara ljómandi vel á grindinni í morgun, strax eftir æfinguna fór ég í sprautuna, hún var nú ekki alveg sú sem ég hélt að ég ætti að fá þar sem aðeins var sprautað sitthvoru megin við hrygginn rétt við skaðann, svo mátti ég bara fara inn á herbergi og hvíla mig í klukkustund og fara svo í æfingar. Seinniparts æfingin gekk líka vel, eftir að hafa þvælst á nýuppblásnum boltanum og var hann svo stór að ég átti í basli með að hanga á honum. Eftir boltaæfinguna var komin tími á dýnuæfingu og eins og í gær skreið ég fram og til baka á dýnunni og endaði svo með að fikra mig upp rimlana. Koddum var komið fyrir ofan á kálfunum á mér og svo átti ég að setjast og hífa mig upp aftur og reyna að nota hendurnar sem minnst, þetta er náttúrlega ógjörningur öðruvísi en að nota hendurnar, ég reyni samt eins og ég get að kom skilaboðum niður á mjaðma- og rasssvæðið um að vinna vinnuna sína, og virka nú vöðvar ef einhverjir eru virkir. Shivanni sagði þetta mjög erfiða æfingu en taldi mig gera þetta ágætlega, hún er að hugsa um að prófa æfingu þar sem ég sit með hnéin alveg upp að brjósti og fætur í gólfi og lyfti svo upp rassinum, jebb, alveg ótrúlegt bara að ætlast til að ég geti það svona á mig komin þegar fullfrískt fólk á í mesta basli með að gera þetta og sumir geta þetta allsekki. En við skulum bíða og sjá, ég ætla allavega að reyna eins og ég get, veit það væri hrikalega gaman að geta þetta, ég gæti þá kannski komið mér sjálf upp í stólinn ef ég dytti úr honum, sem væri náttúrlega bara snilld. Seinni partinum og fram eftir kveldi eyddi ég svo í lestur Berlínaraspanna, ég sat meira að segja úti dágóða stund í skugganum og las þar. Auðvitað kláraði ég bókina og hugsa mér gott til glóðarinnar að geta byrjað á framhaldinu strax. Á morgun ætlum við að flytja í gamla herbergið þar sem Ravi og kó voru. Þó þetta herbergi sé bara fínt þá er það betra, held ég.
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.