Lummudagar settir í Litlaskógi í dag
Lummudagar verða settir með athöfn í Litlaskógi kl. 18 í dag en um er að ræða nýbreytni þetta árið, samkvæmt Sigríði Ingu Viggósdóttur, skipuleggjanda Lummudaga. Þar með hefjast hátíðarhöldin með hverjum viðburðinum á eftir öðrum yfir helgina og ættu allir að geta fundið eitthvað við sitt hæfi og skemmt sér.
„Lummudagar eru kannski svolítið frábrugðnir öðrum bæjarhátíðum þar sem við erum ekki að eyða neinum peningum í hana heldur notum við það bráðskemmtilega fólk sem við eigum hér til þess að skemmta okkur,“ segir Sigríður Inga.
Eftir setningarathöfnina í Litlaskógi verður farið í leiki og svo mun FISK bjóða upp á fiskisúpu kl. 19. „Síðan njótum við þess að vera saman og syngjum nokkur lög,“ segir Sigríður Inga.
Í kvöld verða GRM með tónleika á Mælifelli kl. 21 og Ásdísi Guðmundsdóttir og Fúsi Ben ætla að leika lög frá öllum heimshornum í Menningarhúsinu Miðgarði, en þeir tónleikar hefjast einnig kl. 21.
Morgundagurinn, föstudagur, segir Sigríður Inga einkennast af leikjum og skemmtilegheitum. „Sápufótbolti verður í Ártúninu, ratleikur sem Skátarnir standa fyrir hjá sundlauginni og 3á3 götukörfuboltamót við Árskóla. Svo má ekki gleyma götugrillinu,“ segir hún.
Njóta þess að vera saman, skemmta sér og öðrum
„Á laugardaginn verður steikjandi hiti og sól og þvílík götumarkaðsstemming á Skagfirðingabrautinni og Aðalgötunni. Bílaklúbbur Skagafjarðar verður með kassabílarallý við Ráðhúsið og ef fólk lumar á kassabíl þá er um að gera að taka hann með sér þangað. Bílaklúbburinn skorar líka á fyrirtæki og félagasamtök í bænum að koma og taka þátt í rallýinu,“ segir Sigríður Inga.
„Þá verður einnig andlitsmálning í boði, fullt af skemmtilegum mörkuðum, flottir Skagfirskir tónlistakrakkar láta í sér heyra, tískusýning frá Jóhönnu Ey, Kaffihús á Kirkjutorginu, Garðyrkjufélag Skagafjarðar mætir með plöntur, Maddömmurnar verða á sýnum stað að gefa lummur, ekki má gleyma heimsfræga hafrakexinu hennar Binníar í Blómabúðinni. Kaffi Krókur og Bakaríið verða í stuði eins og venjulega með sýnar flottu veitingar. Í Gúttó verður lummulegur markaður með Zumba dans og tónlist,“ segir Sigríður Inga.
Markaður verður á Skagfirðingabraut 49 þar sem verður boðið upp á fléttur, skrautsteina og ýmislegt fleira. Einnig verður farið í Lasertag á grasinu milli blokkanna á Skagfirðingabrautinni.
Villtir svanir og tófa verða svo í Bifröst um kvöldið og Paparnir slá svo botninn í dagskránna með stórdansleik á Mælifelli.
„Vona ég að allir finni eitthvað við sitt hæfi og njóti þess að vera saman, skemmta sér og öðrum. Það á alls ekki að vera nein kvöð sem fylgir Lummudögunum, ef fólk nennir ekki að skreyta þá gerir það það bara ekki. En að sjálfssögðu vonast ég til þess að allir njóti þess að vera með og skreyti nú aðeins hjá sér. Sumir finna meira fyrir keppnisskapinu en aðrir,“ segir Sigríður Inga og óskar öllum gleðilegra Lummudaga 2012 að endingu.
Dagskrá Lummudaga 2012 má finna í nýjasta tölublaði Feykis og Sjónhornsins. Hér er einnig hlekkur á dagskránna.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
