Mættu kolvitlausir í leikina
Körfuboltalið Tindastóls fór frækna för til Stykkishólms um síðustu helgi þegar leikið var til úrslita í Lengjubikarnum. Á föstudaginn sigraði liðið Þór Þorlákshöfn naumlega 82-81 og í úrslitaleiknum daginn eftir voru heimamenn í Snæfelli lagðir með 96 stigum gegn 81. -Þetta var algjör snilld. Að koma heim með bikarinn er þvílík upplifun, sagði Helgi Rafn Viggósson fyrirliði á Mælifelli sl. laugardagskvöld en þar biðu stuðningsmenn eftir liðinu til að fagna heimkomu bikarsins.
-Við mættum kolvitlausir í leikinn á móti Þór Þorlákshöfn á föstudagskvöldið og menn voru allir klárir í hann sem og í leikinn í dag. Þetta var flott liðsheild og menn voru eins og ég segi klárir í þetta verkefni.
Hvernig er að vinna bikarinn en hafa ekkert stig í deildinni?
-Svona er bara lífið. Vonandi fara nú sigrarnir að detta inn í deildinni og við höldum áfram þessari spilamennsku sem við sýndum núna. Við vorum að spila gríðarlega vel, höldum Snæfelli í 81 stigi í dag og Þór einnig í 81 stigi í gær. Þannig að vörnin er að smella og við farnir að spila betri sóknarleik og boltinn farinn að ganga betur á milli manna. Nú er bara að halda sér á jörðinni. Leikur núna á fimmtudaginn næsta á móti Þór Þorlákshöfn hér heima og allir að mæta, segir Helgi sem vill þakka þeim frábæru stuðningsmönnum sem þeir eiga og tóku svo vel á móti þeim þegar bikarinn var borinn í hús.
Fleiri fréttir
-
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira -
Ungmennafélagar vilja koma upp strandblakvelli á Skagaströnd
feykir.is Austur-Húnavatnssýsla, Íþróttir, Mannlíf, Lokað efni 24.06.2025 kl. 11.21Ungmennafélagið Fram á Skagaströnd sendi sveitarstjórn Skagastrandar erindi þar sem óskað er eftir leyfi til þess að koma upp strandblakvelli á lóð sveitarfélagsins. Í frétt á Húnahorninu segir að í erindinu komi fram að tilgangur verkefnisins sé að bæta aðstöðu til útivistar og hreyfingar fyrir almenning á Skagaströnd.Meira
