Menningarsjóður KS úthlutar styrkjum
Í gær, 22. ágúst, var úthlutað styrkjum úr Menningarsjóði Kaupfélags Skagfirðinga en veittir voru styrkir til 22 verkefna. Bjarni Maronsson, stjórnarformaður KS, sagði í upphafi athafnarinnar að þótt styrkirnir væru ekki háir væru þeir vonandi eitthvað sem kæmi í góðar þarfir og væri um leið viðurkenning á því menningarstarfi sem viðkomandi er að vinna. „Ég hef stundum sagt að menning sé allt sem gerir lífið bærilegra og það er skýring sem hugnast mér ákaflega vel,“ sagði Bjarni. Hann og Efemía Björnsdóttir afhentu styrkina en Þórólfur Gíslason, kaupfélgsstjóri, gat ekki verið viðstaddur að þessu sinni. Auk þeirra sitja í stjórn sjóðsins þau Einar Gíslason, og Inga Valdís Tómasdóttir.
Að lokinni afhendingu styrkjanna tóku nokkrir styrkþeganna til máls og þökkuðu fyrir þann stuðning og velvilja sem þeirra framtaki væri sýnt með stuðningi sjóðsins.
Eftirtaldir aðilar hlutu styrki úr sjóðnum og er röðin tilviljanakennd og segir ekki til um upphæðir styrkjanna:
* Brynjar Páll Rögnvaldsson – styrkur vegna útgáfu á hljómplötu með frumsömdum lögum og textum.
* Golfklúbbur Sauðárkróks – styrkur til viðhalds og annarra starfa.
* Karlakórinn Heimir - styrkur til heimildamyndagerðar og afmælishátíðar í tilefni af 90 ára afmæli kórsins.
* Fífilbrekka ehf. – styrkur til verkefnisins „ Samvinnuhús 1882-1982“.
* Guðbrandsstofnun – styrkur vegna sumartónleika 2018.
* Kiwanisklúbburinn Drangey – styrkur vegna áframhaldandi ristilspeglunarverkefnis.
* Húsdýragarðurinn á Brúnastöðum í Fljótum – styrkur vegna hönnunar og gerðar upplýsingaskilta um íslensku húsdýrin.
* Tónadans – styrkur vegna Strengjafjörs 2018.
* Danirnir á Króknum – styrkur vegna verkefnis um þátttöku Dana í bæjarlífi Sauðárkróks í upphafi 20. aldar.
* Óli Jóhann Ásmundsson – styrkur til að hanna og setja upp minnismerki við Hofsá um fyrstu verslun þar.
* Stefanía Fjóla Finnbogadóttir og Guðmundur Magnússon – styrkur vegna uppbyggingar gamla bæjarins á Þorljótsstöðum í Vesturdal.
* Viðurkenning vegna eldri borgara starfs Helgu Bjarnadóttur og Indu Indriðadóttur á Löngumýri.
* Fornverkaskólinn – styrkur vegna námskeiða í torfhleðslu og grindasmíð.
* Ferðasjóður fatlaðra – styrkur til ferða fatlaðra.
* Sigurður Hansen – styrkur til áframhaldandi uppbyggingar Kakalaskála.
* Sólon myndlistarfélag - styrkur til áframhaldandi starfsemi félagsins.
* Bræðurnir á Hrauni á Skaga – styrkur vegna sýningar á málverkum Rögnvaldar Steinssonar á Hrauni.
* Styrkur vegna minningarskiltis um fyrstu eigendur hússins að Lindargötu 7a á Sauðarkróki.
* Æskulýðsstarf Hestamannafélagsins Skagfirðings – styrkur til að styðja við kennslu og kennslubúnað.
* Leikfélag Sauðárkróks – styrkur vegna starfsemi félagsins.
* Lifandi landslag – styrkur til þróunarvinnu og frekari markaðssetningar forrits.
* Skagafjarðarhraðlestin – styrkur vegna Lummudaga.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.