Mikið um að vera hjá Lögreglunni á Sauðárkróki
Verkefni lögreglunnar á Sauðárkróki síðasta sólarhringinn hafa flest verið tengd óveðrinu sem gekk yfir landið. Á heimasíðu hennar segir að ökumenn hafi lent í ófærð á Vatnsskarði, Þverárfjalli og víða á vegum í Skagafirði og voru björgunarsveitir ræstar út til að aðstoða við að koma fólki í öruggt skjól þar sem ekki þótti skynsamlegt að það héldi för sinni áfram á meðan veðrið var sem verst.
Nokkur umferðaróhöpp urðu þar sem tjón varð á ökutækjum en þökk sé öryggisbúnaði, bílbeltum, að ekki varð slys á fólki. Þá fór bifreið útaf Sauðárkróksbraut við bæinn Geitagerði um kl.18:00 og hafnaði útí skurði. Ökumaðurinn slapp með skrámur en bifreiðin er mjög illa farin ef ekki ónýt.
Óskað var aðstoðar vegna skips í Sauðárkrókshöfn sem var að slitna frá bryggju og brugðust björgunarsveitir við því og komu festum í skipið. Stór rúða fauk úr gluggakarmi á húsnæði við Aðalgötu og á sama tíma bárust upplýsingar um að fé á Öxnadalsheiði væri farið að hrekjast undan veðri og fenna í kaf og var boðum þess efnis komið til hlutaðeigandi.
„Lögreglan á Sauðárkróki vill koma á framfæri kæru þakklæti til allra þeirra sem komu að björgunar- og hjálparstörfum í óveðrinu og sérstaklega til þeirra fjölmörgu björgunarsveitamanna, sem eru bæði menn OG konur, sem með fórnfýsi og fagmennsku bregðast við kalli þegar hætta steðjar að. Störf þeirra eru ómetanleg og rétt að minna á að fjáröflun þeirra felst m.a. í sölu á flugeldum um áramót,“ segir á heimasíðu lögreglunnar á Sauðárkróki.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
