Moses Hightower verða í Krúttinu á sunnudaginn
Reykvíska gæðahljómsveitin Moses Hightower startar tónleikaferð um landið annað kvöld en þá verða tónleikar í Edinborgarhúsinu á Ísafirði. Frá Ísafirði heldur bandið í Eyjafjörðinn og spilar í LYST á laugardegi og á heimleiðinni rigga þeir upp tónleikum í Krúttinu á Blönduósi og hefjast þeir klukkan 16 á sunnudeginum 23. ágúst.
Húnahornið segir Moses verða við fimmta mann en þetta mun vera í fyrsta sinn sem hljómsveitin spilar sig hringinn í kringum landið í einni rispu. Það verður allt að frétta; glóðvolg nýútkomin plata í farteskinu og ennþá nýrri lög af annarri í smíðum á prógramminu.
Blessuð gervigreindin segir hljómsveitina hafa byrjað á að spila fyrir söngkonuna Dísu (Bryndísi Jakobsdóttur) en fyrsta platan þeirra hét Búum til börn og kom út árið 2010. Tónlist Moses Hightower er blanda af sál, R&B, fönki og poppi, með mikla áherslu á groove og söng. Sveitin hefur hlotið Íslensku tónlistarverðlaunin.
Ef marka má gervigreindina er hljómsveitin í dag skipuð þeim Steingrími Karli Teague (hljómborð og söngur), AndraÓlafssyni (bassi og söngur) og Magnúsi Trygvasyni Eliassen (trommur) en væntanlega verða tveir til viðbótar með þeim félögum á tónleikunum.
Þess má geta að tónleikaferð Moses Hightower heldur áfram inn í septembermánuð.
Fleiri fréttir
-
Veiðihús rýkur upp í Vatnsdalnum
feykir.is Austur-Húnavatnssýsla, Mannlíf, Lokað efni 20.08.2026 kl. 09.55Verið er að byggja nýtt veiðihús í Steinkoti við Flóðið í Vatnsdal á silungsveiðisvæðinu. Fyrir er á staðnum eldra veiðihús, talsvert minna. Nýja húsið er rúmlega 600 fermetrar. Nýja húsið er fimmfalt stærra en það gamla og á það að vera tilbúið fyrir næsta vor.Meira -
Haukar sóttu öll stigin í Húnabyggð
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.08.2026 kl. 09.15Topplið Hauka úr Hafnarfirði mætti í Húnabyggð í gærkvöldi og atti kappi við lið Kormáks/Hvatar á Blönduósvelli. Það hefur verið hálfgert skrölt á heimamönnum upp á síðkastið og það mátti því reikna með erfiðum leik gegn langefsta liði deildarinnar. Það fór svo að Haukarnir höfðu stigin þrjú með sér heim eftir 1-2 sigur.Meira -
Slagarasveitin á bæjarhátíðinni Í túninu heima í Mosfellsbæ
feykir.is Vestur-Húnavatnssýsla, Listir og menning, Mannlíf 19.08.2026 kl. 16.02Slagarasveitin húnvetnska kemur fram á bæjarhátíðinni Í túninu heima, sem haldin verður í Mosfellsbæ dagana 27.–30. ágúst næstkomandi. Tónleikar sveitarinnar fara fram laugardaginn 29. ágúst klukkan 17:00 og standa yfir í um eina klukkustund. Viðburðurinn verður haldinn að Vogatungu 13 í Mosfellsbæ.Meira -
Afmælishátíð Landsbankans og TM 20. ágúst
feykir.is Skagafjörður, Austur-Húnavatnssýsla, Vestur-Húnavatnssýsla 19.08.2026 kl. 15.04Landsbankinn fagnar 140 ára afmæli og TM 70 ára afmæli um þessar mundir. Af því tilefni bjóðum við landsmönnum að fagna með okkur í útibúum Landsbankans um allt land fimmtudaginn 20. ágúst kl. 14.00–16.00.Meira
