Mygla mælist ítrekað í leikskólanum á Hofsósi
„Eðlilega eru menn hugsi yfir leikskólamálum á Hofsósi og svo sannarlega væri óskandi að við hefðum úr fleiri úrræðum að spila en nú er,“ segir Herdís Sæmundardóttir sviðsstjóri fjölskyldusviðs Svf. Skagafjarðar en sem kunnugt er var búið að ákveða að flytja leikskólann tímabundið í húsnæði í eigu sveitarfélagsins að Austurgötu 5 en síðar hætt við vegna andstöðu nágranna.
Farið var í framkvæmdir við breytingar á húsnæði Austurgötu 5 svo koma mætti leikskólanum þar fyrir en sú ákvörðun mæltist þó ekki vel fyrir og á fundi Skipulags- og byggingarnefndar sveitarfélagsins þann 12. janúar sl. var bráðabirgðaleyfi til tveggja ára til notkunar á húsnæðinu fyrir leikskóla afturkallað.
„Það má því segja að málið sé aftur komið á byrjunarreit og leit stendur yfir að hentugu húsnæði til að flytja leikskólann tímabundið í á meðan framkvæmdir að nýjum leikskóla standa yfir. Sem kunnugt er hefur ítrekað mælst mygla í núverandi húsnæði leikskólans og óvíst hve útbreidd hún er. Við þær aðstæður þykir ekki ráðlegt að hafa leikskólann þar sem hann er nú mikið lengur og er því leitað allra leiða til að komast í annað húsnæði til bráðabirgða,“ segir Herdís.
Á fundi Heilbrigðiseftirlits Norðurlands vestra sem haldinn var í síðustu viku var heilbrigðisfulltrúa falið að kynna Sveitarfélaginu niðurstöður eftirlits sem fram fór þann 6. janúar sl. og ítreka tilmæli frá 3.10 sl. en eftirfarandi var bókað:
„Í kjölfar frétta af því að óvissa yrði með flutning leikskólans á Hofsósi í nýtt húsnæði, þá var gerð athugun á myglu í húsnæðinu þann 6. janúar sl. Athugun leiddi í ljós mygla var til staðar í húsnæðinu, en 9 mygluþyrpingar uxu upp af ætisskál í matsal og 4 mygluþyrpingar uxu upp af ætisskál í gangi undir stigaopi upp á háaloft. Húsnæðið er því ekki í samræmi við IV kafla í reglugerð um hollustuhætti 941/2002.
Heilbrigðiseftirlitið ítrekar því tilmæli frá 3.10.2016 um að hraðað verði sem nokkur kostur er endurbótum á húsnæðinu eða þá finna starfseminni annað húsnæði. Óskað er eftir því að Sveitarfélagið upplýsi Heilbrigðisnefndina um stöðu málsins fyrir næsta fund nefndarinnar sem áætlað er að verði fimmtudaginn 16. febrúar nk.“
Herdís segir að verið sé að teikna nýjan leikskóla og er vonast til að hægt verði að hefja verkið á vormánuðum og ljúka því snemma árs 2018. „Það er sannarlega vilji til að finna leikskólanum viðeigandi húsnæði í þann tíma sem tekur að byggja nýtt húsnæði en að sjálfsögðu þarf bráðabirgðahúsnæði að uppfylla öll skilyrði fyrir starfsemi af þessu tagi og að sjálfsögðu þarf húsnæðið einnig að vera boðlegt bæði börnum og starfsfólki.“
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
