Ná Tindastólsmenn að bæta sinn besta árangur í næst efstu deild?
Þunnskipað lið mætir Þrótti á laugardaginn kl. 14:00 þegar Tindastólsmenn skjótast í heimsókn á Valbjarnarvöllinn í síðustu umferð 1. deildar. Tólf kappar eru klárir í slaginn og því ljóst að stuðningsmenn Tindastóls verða að fjölmenna í Laugardalinn og styrkja strákana með hrópum og köllum.
Steven Beattie kemur aftur inn í lið Tindastóls en hann var meiddur á laugardaginn. Tveir til viðbótar koma aftur inn í hópinn eftir að hafa tekið út leikbann, Loftur Páll og Árni Einar, en Ingvi Hrannar og Arnar Skúli verða aftur á móti í banni á laugardaginn eftir að hafa fengið að skoða spjöld í leiknum gegn Þór.
Á heimasíðu Tindastóls er sagt frá því að ef strákarnir vinna leikinn á laugardaginn gegn Þrótti þá ná þeir í fleiri stig en Tindastóll hefur nokkurntíman náð í 1.deild. Besti árangur í sögu Tindastóls er 6.sæti 1.deildar árið 1988 en þá fékk liðið 23 stig undir stjórn Bjarna Jóhannessonar ofurþjálfara. Reiknimeistara Stólanna telst til að þetta geri 1,27 stig á leik en á þessum árum voru 10 lið í næst efstu deild. Nú er liðin 12 og ef sigur vinnst á Þrótti þá ku Stólarnir hafa krækt í 1,36 stig að meðaltali í leik á þessu tímabili.
Það er því nokkuð ljóst að áhugamenn um meðaltöl og vísindalega útreikninga bíða spenntir eftir leiknum á laugardaginn. Áfram Tindastóll!
Fleiri fréttir
-
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira
