Naumur sigur á Augnabliki
Tindastóll og Augnablik mættust á Sauðárkróksvelli í gærdag í lokaleik Stólanna í C-riðli 3. deildar. Ekkert annað en sigur var á boðstólnum fyrir Stólana ef liðið hafði áhuga á að tryggja sér efsta sætið í riðlinum og helst þurfti sigurinn að vera sæmilega stór til að setja pressu á lið KB sem berst um efsta sætið við Tindastólsmenn.
Leikið var í nærri 20 stiga hita, logni og hellirigningu. Frekar óvenjulegar aðstæður en þó kjörnar til skriðtæklinga – nema vallarstjórinn sé búinn að banna slíkt. Lið Tindastóls hafði mikla yfirburði í fyrri hálfleik en gekk illa að skapa sér góð færi. Eftir 30 mínútur skoraði Ingvi Hrannar laglegt mark, setti boltann með viðstöðulausu skoti í fjærhornið eftir fína sendingu frá Pálma Valgeirs. Árni Einar og Arnar Sigurðs voru áberandi í uppspili Stólanna en leikmenn Augnabliks voru skynsamir í leik sínum og vörðust ágætlega. Staðan í hálfleik 1-0.
Kristinn Aron kom Tindastólsmönnum í 2-0 með marki á 49. mínútu og Snorri Geir gerði þriðja mark Stólanna úr vítaspyrnu þegar um stundarfjórðungur lifði af leiknum. Allt stefndi því í öruggan og fínan sigur en á 83. mínútu fékk Augnablik vítaspyrnu og úr henni skoraði markvörður liðsins, Gísli Þór Einarsson. Sigurjón Jónsson minnkaði muninn síðan í eitt mark þegar þrjár mínútur voru komnar fram yfir venjulegan leiktíma en ekki komust gestirnir lengra og Tindastóll sigraði því 3-2,
Lið Tindastóls er öruggt í úrslitakeppni 3. deildar en það er ekki ljóst hvort liðið verður í fyrsta eða öðru sæti í sínum riðli þar sem KB á tvo leiki inni og getur náð Stólunum að stigum og með (ó)hagstæðum úrslitum geta þeir skotist upp fyrir Stólana á markatölu. Það er hinsvegar alveg ljóst að ef Stólarnir ætla ekki að dúsa í 3. deildinni annað sumar þá verður leikmenn að gera betur en gegn Augnabliki.
Fleiri fréttir
-
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira -
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.