Norðurlandameistarar í kata frá Íslandi | Annika Líf Maríudóttir Noack skrifar
Freyr Hugi Herbergsson og Jóhanna María Grétarsdóttir Noack úr Júdódeild Tindastóls tóku nýverið þátt í Nordic Kata Open Tournament 2026 í Finnlandi. Þetta var í annað sinn sem þau kepptu saman á mótinu, en árið 2025 fóru þau til Svíþjóðar þar sem þau unnu sinn fyrsta kata-keppnisflokk.
Undirbúningurinn fyrir mótið var krefjandi þar sem keppendurnir búa nú um 300 kílómetra frá hvoru öðru og æfingatími því takmarkaður. Þrátt fyrir það var markmiðið skýrt: að halda til Finnlands og gefa allt í keppnina.
Æfingar í Sauðárkróki hjá Júdódeild Tindastóls voru undir handleiðslu Anniku Lífar Maríudóttur Noack. Þá fóru fram tvær æfingar í Reykjavík undir stjórn Sensei Yoshihiko Iura.
Freyr Hugi, 19 ára, og Jóhanna María, 15 ára, héldu til Finnlands á föstudegi ásamt þjálfara sínum, Anniku Líf, og Herbergi, föður Freys. Síðasta æfingin fyrir keppni fór fram um föstudagskvöldið.
Keppnin hófst klukkan 9 á laugardagsmorgni, en íslenska liðið þurfti að bíða fram eftir degi eftir að koma að tatami. Þrátt fyrir spennuna og langa bið var andinn góður innan hópsins. Að lokum kom að því að sýna kata Nage no Kata A-Judo 1B.
Þau skiluðu afar góðri frammistöðu og fengu háa einkunn frá dómurum. Það reyndist nægjanlegt til að tryggja þeim sigur og þar með sinn fyrsta opinbera Norðurlandameistaratitil í kata.
Að lokinni æfingu á sunnudagsmorgni lagði hópurinn af stað heim til Íslands með verðlaunabikarinn í ferðatöskunni og dýrmæta reynslu að baki.
Við viljum nota þetta tækifæri til að þakka sérstaklega fyrir þann stuðning sem við höfum fengið frá Steinull ehf.
Freyr Hugi Herbergsson og Jóhanna María Grétarsdóttir Noack eru því nýkrýndir Norðurlandameistarar í kata og hafa enn á ný sett íslenskt júdó á kortið á Norðurlandavettvangi.
Feykir óskar þessu unga fólki til hamingju með glæstan árangur. /hmj
Fleiri fréttir
-
Af hverju ég segi nei 29. ágúst | Ólafur Adolfsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.08.2026 kl. 08.57Á laugardaginn göngum við að kjörborðinu og svörum spurningunni hvort Ísland eigi að hefja að nýju aðildarviðræður við Evrópusambandið. Ég mun segja nei. Ísland á að eiga náið og gott samstarf við Evrópu. EES samningurinn tryggir okkur aðgang að innri markaðnum og við eigum að halda áfram að nýta þau tækifæri. En ESB aðild er annað og meira. ESB er yfirþjóðlegt samstarf þar sem aðildarríkin fela stofnunum sambandsins mikil völd. Opinber kynning landskjörstjórnar staðfestir raunar að breyta þyrfti íslensku stjórnarskránni vegna þess framsals ríkisvalds sem aðild fæli í sér.Meira -
Quinzia Fulmore til Tindastóls
feykir.is Skagafjörður, Íþróttir 25.08.2026 kl. 00.25Körfuknattleiksdeild Tindastóls hefur samið við bandaríska framherjann Quinzia Fulmore um að leika með liðinu á komandi tímabili í Bónus deildinni. Hún er 23 ára gömul og kemur frá Greensboro í Norður-Karólínu, er 190 sm á hæð og spilar stöðu framherja/miðherja en styrkleikar hennar eru inni í teignum. Hún á að baki 112 leiki í bandaríska háskólaboltanum.Meira -
Kristín Þórðardóttir skipuð í nýtt embætti sýslumanns
feykir.is Skagafjörður, Austur-Húnavatnssýsla, Vestur-Húnavatnssýsla 24.08.2026 kl. 13.25Kristín Þórðardóttir, sem starfað hefur sem sýslumaður á Suðurlandi sl. níu ár, hefur verið skipuð í nýtt embætti sýslumanns og er þá eini sýslumaður landsins. Í tilkynningu sem birtist sl. föstudag á vef Stjórnarráðsins segir að hún hafi tekið við stöðunni frá og með 21. ágúst. Fram kemur að starfsstöðvar hins nýja embættis verða óbreyttar við sameininguna og starfsfólk færist til hins nýja embættis. Ekki eru fyrirhugaðar umfangsmiklar breytingar á núverandi skipulagi þeirra eða þjónustuframboði.Meira -
Ólafur Bjarni varð Íslandsmeistari | Arney Sindradóttir skrifar
feykir.is Skagafjörður, Íþróttir, Aðsendar greinar 24.08.2026 kl. 10.23Dagana 20.-22. ágúst fór fram Íslandsmót unglinga í höggleik 14 ára og yngri á Þorláksvelli hjá Golfklúbbi Þorlákshafnar. Golfklúbbur Skagafjarðar átti fimm glæsilega fulltrúa; Brynjar Morgan Brynjarsson, Sigurbjörn Darra Pétursson og Gunnar Atla Þórðarson sem kepptu í flokki 13-14 ára - og Ólaf Bjarna Þórðarson og Karl Goðdal Þórleifsson í flokki 12 ára og yngri. Strákarnir allir sem einn stóðu sig með prýði og voru klúbbnum til mikils sóma. Það fór svo að Ólafur Bjarni landaði sigri og þar með Íslandsmeistaratitli, sem er ekkert nema stórkostlegur árangur hjá dreng á tólfta aldursári. Þrotlaus vinna og þrautseigja liggur að baki, og uppskeran eftir því.Meira
