Lið Tindastóls endurnýjar kynnin við ENBL-deildina
Síðasta vetur tók karlalið Tindastóls þátt í Evrópukeppni í körfubolta. Þátttakan heppnaðist vel, liðið átti marga stórfína leiki í keppninni, það náði góðum árangri og frábær stemning skapaðist í Síkinu sem vakti verðskuldaða athygli út fyrir landsteinana og skilaði körfuknattleiksdtildinni tekjum. Í yfirlýsingu frá stjórn körfuknattleiksdeildar í morgun var sagt frá því að ákveðið hafi verið að endurtaka leikinn og verða Stólarnir því enn á ný þátttakendur í ENBL-deildinni.
Í yfirlýsingunni segir: „Stjórn körfuknattleiksdeildar Tindastóls hefur, að vandlega ígrunduðu máli, ákveðið að karlalið félagsins taki þátt í ENBL tímabilið 2026/2027. Jafnframt var skoðað hvort þátttaka í FIBA Europe Cup væri raunhæfur kostur. Þar hefði liðið þurft að leika 10 leiki frá 8. október og fram að jólum, og mat stjórnin það fyrirkomulag nánast ógerlegt fyrir íslenskt lið á Norðurlandi.
Í ENBL keppninni mun Tindastóll leika þrjá leiki í einni ferð í lok september, sem styttir biðina eftir alvöru leikjum og nýtist liðinu vel í undirbúningi fyrir tímabilið. Á tímabilinu sjálfu verða fjórir heimaleikir leiknir á Sauðárkróki og líkur eru á að þekkt lið komi í heimsókn. Þá fer liðið einnig eina ferð erlendis og leikur þar einn leik. Allir heimaleikir Tindastóls í ENBL verða eingöngu aðgengilegir á Tindastóll TV og útileikirnir verða einnig sýndir þar.
Er það von stjórnar kkd Tindastóls að þetta muni auka skemmtun stuðningsmanna og verða góð kynning fyrir Skagafjörð í leiðinni. Við hlökkum til að takast á við verkefnið með liðinu, samstarfsaðilum og okkar frábæru stuðningsmönnum. Saman getum við gert tímabilið 2026/2027 að eftirminnilegri upplifun fyrir félagið og alla Skagfirðinga.“
Það er því útlit fyrir helling af körfubolta á Króknum í vetur.
Fleiri fréttir
-
Ferð Einars og Einars afa til Víetnam | Einar Örn Gunnarsson skrifar
feykir.is Skagafjörður, Mannlíf, Lokað efni 23.08.2026 kl. 11.00Feykir hafði af því spurnir að nafnar nokkrir úr Blönduhlíðinni væru á leið í ævintýraferð og samdi við þann yngri að segja okkur ferðasöguna að ferð lokinni og kemur hún hér:Meira -
Border Collie hundurinn Mía er einstaklega trygg og góð
feykir.is Austur-Húnavatnssýsla, Mannlíf, Lokað efni 22.08.2026 kl. 14.34Á Blönduósi er oft stutt í góðar sögur af fólkinu á staðnum og ferfætlingunum þeirra. Una Ósk Guðmundsdóttir er frá Blönduósi, hún er dóttir þeirra Guðmundar Eyþórssonar frá Sólvangi og Þrúðar Höllu Guðmannsdóttur frá Ljótshólum í Svínadal. Una á fimm systkini föður megin og er eigandi Míu. Feykir fékk Unu til að segja frá níu ára gömlu Míu.Meira -
Nautabúsliðið á Norðurlandamóti
feykir.is Skagafjörður, Hestar, Lokað efni 22.08.2026 kl. 12.00Það er löngum vitað að það að stunda hestamennsku er fjölskylduvænt. Það geta allar kynslóðir farið í útreiðartúr saman. Hestaíþróttir eru líka sérstakar af því leiti að þær eru ekki kynjaskiptar. Yngri keppendur eru flokkaðir eftir aldri ekki kyni. Þegar keppandi er orðinn 21. árs er hann kominn í fullorðinsflokk og er í honum svo lengi sem hann stundar keppni. Það er því ekki óalgengt að sjá keppa á sama móti í sömu grein einn 21.árs og annan 71. Árs, óháð kyni. Þetta gerir hestaíþróttir einstakar.Meira -
Beint frá býli dagurinn verður haldinn sunnudaginn 23. ágúst
feykir.is Skagafjörður, Mannlíf 21.08.2026 kl. 12.10Beint frá býli dagurinn verður haldinn núna á sunnudaginn, 23. ágúst, fjórða árið í röð, en viðburðurinn hefur fest sig í sessi sem fjölskylduvæn matarhátíð í íslenskri sveit.Meira
