Nýtt skipurit Sveitarfélagsins Skagafjarðar
Þann 19. júlí sl. var samþykkt nýtt skipurit Sveitarfélagsins Skagafjarðar sem tók gildi 1. september sl. Byggðarráðið samþykkti í umboði sveitarstjórnar að fara í hagræðingaraðgerðir og stjórnskipulagsbreytingar sem kynntar hafa verið. Bæði er um almennar aðgerðir að ræða sem og breytingar á skipuriti sveitarfélagsins. Íbúafundir í næstu viku.
Á vef sveitarfélagsins segir að sveitarstjórn hafi staðið einhuga saman að því að ráðast í umfangsmiklar skipulagsbreytingar og hagræðingaraðgerðir, sem felast meðal annars í því að sviðum er fækkað úr sjö í þrjú, en þau verða fjármála- og stjórnsýslusvið, veitu- og framkvæmdasvið og fjölskyldusvið. Engum starfsmanni hefur verið sagt upp vegna skipulagsbreytinganna, segir á vefnum.
Sveitarfélagið hefur átt við mikinn rekstrarvanda að etja undanfarin ár og ljóst að grípa þyrfti til umfangsmikilla sparnaðaraðgerða umfram það sem þegar hafði verið gert. Kappkostað er að láta það ekki koma niður á þeirri þjónustu sem sveitarfélagið hefur veitt og komast hjá uppsögnum starfsfólks.
Rekstrarformi Skagafjarðarveitna ehf. verður breytt og verður starfsemin rekin með sama hætti og aðrar B-hluta stofnanir sveitarfélagsins frá og með næstu áramótum. Sameining verður á Skagafjarðarveitum, þjónustumiðstöð (áhaldahúsi) og eignasjóði. Einnig mun markaðs- og þróunarsvið verða sameinað fjármála-og stjórnsýslusviði.
Atvinnu- og ferðamálanefnd og menningar-og kynningarnefnd verða sameinaðar í eina nefnd en breyting á nefndaskipan getur ekki tekið gildi fyrr en breytingar á samþykktum sveitarfélagsins hafa verið samþykktar.
Íbúafundir verða haldnir í næstu viku þar sem Haraldur Líndal mun fara yfir rekstrarúttekt sem hann vann fyrir Sveitarfélagið Skagafjörð og verða fundirnir á eftirfarandi stöðum:
Mánudaginn 10. september kl 20:00 í Safnahúsinu Sauðárkróki
Þriðjudaginn 11. september kl 15:00 Ketilási Fljótum, kl 18:00 Grunnskólanum Hólum og kl 20:30 Miðgarði í Varmahlíð.
Miðvikudaginn 12. september kl 20:00 Grunnskólanum Hofsósi
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
