Öllum Skagfirðingum boðið á 80 ára afmælisfögnuð hjá Skagfirðingafélaginu í Reykjavík - frítt inn
"Við eigum afmæli og þér er boðið" segir í tilkynningu frá Skagfirðingafélaginu í Reykjavík.
Skagfirðingafélagið í Reykjavík ætlar að fagna 80 ára afmæli félagsins laugardaginn 7. október í samkomusal Ferðafélags Íslands að Mörkinni 6 í Reykjavík. Stjórn félagsins langaði að minnast þessara merku tímamóta með eftirminnilegum hætti og því var ákveðið að gefa út afmælisdisk með 10 glænýjum skagfirskum dægurlagaperlum. Auglýst var eftir lögum og barst þeim fjöldinn allur af fallegum dægurperlum og vilja þau nota tækifærið og þakka öllum þeim sem sendu inn lög kærlega fyrir. 10 lög voru valin á afmælisdiskinn af sérstakri dómnefnd og eru þau ákaflega sátt við útkomuna. Diskurinn hefur hlotið nafnið Kveðja heim og verður til sölu í afmælisveislunni. Jafnframt verða afmælislögin frumflutt þar og því um að gera að koma og næla sér í diskinn.
Dagskrá kvöldsins;
Húsið opnar kl 19
Dagskrá hefst kl 20
Kynnir kvöldsins er Valgerður Erlingsdóttir
Afmælislögin frumflutt
Söngvararnir
Ása Svanhildur Ægisdót
Birgir Björnsson
Ester Indriðadóttir
Hrafnhildur Ýr Víglundsdóttir
Hreindís Ylva
Hugrún Sif
Magni Ásgeirsson
Sigvaldi Helgi og
Veronika Heba flytja afmælislögin okkar.
Höfundar kvöldsins
Anna Jóna Guðmundsdóttir
Erla Gígja Þorvaldsdóttir
Geirmundur Valtýsson
Guðbrandur Ægir Ásbjörnsson
Guðmundur Ragnarsson
Haraldur Smári Haraldsson
Sigfús Arnar Benediktsson
Snorri Evertsson
Smári Eiríksson
Veronika Heba .
Skemmtiatriði frá tónleikunum
Danslagakeppnin í 60 ár
Sigvaldi Helgi og Reynir leika og syngja fyrir okkur eftir að lögin 10 hafa verið flutt.
Ath
Það kostar ekkert inn en við verðum með bar á staðnum þar sem ýmsir drykkir verða til sölu .
Feykir hvetur alla til að mæta, sýna sig og sjá aðra, og ekki síst að gleðjast yfir því að vera stoltur Skagfirðingur.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.