Óskasteinn og Dívurnar fengu flest atkvæði á Tekið til kostanna
Stórsýningin Tekið til kostanna fór fram fyrir fullu húsi í Svaðastaðahöllinni á Sauðárkróki á laugardagskvöldið. Dómnefnd kaus glæsilegasta hest sýningarinnar og besta atriðið og að sögn Eyþórs Einarssonar sýningarstjóra sýnir það best hve sterkur hestakosturinn var að atkvæðin um glæsilegasta hestinn dreifðust á nokkra hesta.
Óskasteinn frá Íbishóli varð þó hlutskarpastur, en Magnús Bragi átti stórleik á þessum mikla gæðingi sínum, uppáklæddur í kjólföt með pípuhatt. Aðrir hestar sem atkvæði hlutu voru Óskar frá Blesastöðum (k: Artimisia Bertus), Þöll frá Heiði (k: Sigurður Óli Kristinsson), Vafi frá Ysta-Mói (k: Magnús Bragi Magnússon), Trymbill frá Stóra-Ási (k: Gísli Gíslason), Andri frá Vatnsleysu (k: Egill Þórarinsson) og Seiður frá Flugumýri (k: Mette Mannseth). Þar sem hver dómari mátti aðeins nefna einn hest er alveg ljóst að hér er ekki um að ræða tæmandi lista yfir þá glæsigripi sem geystust um höllina.
Dívurnar úr Vestur-Húnavatnssýslu unnu síðan afgerandi í atkvæðagreiðslu um besta atriði en Vatnsleysa og Fás-Fákar fengu sitt hvort atkvæðið. Óhætt er að segja að atriðið hjá Dívunum var að frábærlega útfært, kraftmikið, skemmtilegt, hnökralaust og búningarnir tilkomumiklir.
Úrslit í skeiðkappreiðum urðu þau að Hans Þór Hilmarsson ásamt þöll frá Hólum sigruðu á frábærum tíma eða 4,83 sek., Jóhann Magnússon og Hvirfill frá Bessastöðum voru í öðru sæti (5,10) og í þriðja sæti Sveinbjörn Hjörleifsson og Drífa-Drottning (5,14).
Í verðlaunafé fyrir hvert atrið var 25.000 kr. sem var í boði Bændaþjónustunnar í Saurbæ, Videosport/Mælifell og Orkunnar/Bláfells.
Leynigestur kvöldsins var Seiður frá Flugumýri sem þeystist um höllina í eltiljósi ásamt Mette Mannseth, svart klæddri þannig að hvergi sást í hið ljósa man íklædd skikkju.
Allir þeir sem komu að þátttöku í sýningunni; sýnendur, starfsfólk, hesthúseigendur á Króknum og styrktaraðilar fá bestu þakkir fyrir samhent átak, jákvæðni og dugnað sem er jú lykillinn að því að láta slíkar sýningar heppnast. Sérstakar þakkir fá gestirnir sem komnir voru lengst að, þau Sigurður Óli Kristinsson og Artimisia Bertus, segir Eyþór.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
