Óttaðist að sjúkraflutningamenn væru hættir störfum
„Þau gera ekki boð á undan sér slysin,“ segir Höskuldur B.Erlingsson lögreglumaður á Blönduósi á fésbókarsíðu sinni en hann var á frívakt að koma að sunnan á sínum einkabíl í gærkvöldi. „Við Hólabak lendir skyndilega ein bifreiðin sem að ég er á eftir utan vegar og veltur. Þarna varð ég að taka stjórn á vettvangi þar sem að einungis einn af á þriðja tug manna talaði ensku sem og að hlúa að slösuðum og vera í sambandi við 112,“ segir Höskuldur.
Vegna frétta um uppsagnir sjúkraflutningamanna á Blönduósi segist hann hafa vonað að sjúkraflutningamenn væru enn við störf þar sem að um stórt útkall var að ræða og síðustu fréttir að illa gengi að fá stjórnvöld til að semja við þá. „En sjúkk... sem betur fer þá komu þessir toppmenn sem að við eigum fljótt og vel á vettvang og nú er næst að setja öll mín föt í þvott, því að ekki líta þau vel út,“ segir hann í lok færslunnar.
Kalla þurfti eftir aðstoð þyrlu Landhelgisgæslunnar að flytja slasaða á sjúkrahús.
Meðfylgjandi myndband birti Höskuldur á fésbókarsíðu sinni af vettvangi.
Þau gera ekki boð á undan sér slysin ! Ég var að koma að sunnan á mínum einkabíl í mínum frítima ( sumsé ekki að vinna ) og dreg uppi lest með 6 bílum við Staðarskála. Ók á eftir þeim norður. Við Hólabak lendir skyndilega ein bifreiðin sem að ég er á eftir utan vegar og veltur. Þarna varð ég að taka stjórn á vettvangi þar sem að einungis einn af á þriðja tug manna talaði ensku sem og að hlúa að slösuðum og vera í sambandi við 112. Ég vonaði bara að sjúkraflutningamenn okkar væru enn við störf þar sem að þetta var stórt útkall og síðustu fréttir voru að illa gengi að fá stjórnvöld til að semja við þá ! En sjúkk... sem betur fer þá komu þessir toppmenn sem að við eigum fljótt og vel á vettvang og nú er næst að setja öll mín föt í þvott, því að ekki líta þau vel út !
Posted by Höskuldur Birkir Erlingsson on 15. maí 2017
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
