Pabbi er dáinn á morgun
Á morgun miðvikudag verður sýndur í Húsi frítímans á Sauðárkróki einleikurinn Pabbi er dáinn eftir hinn íslenska Sir Daily Snow en hann fer einnig með aðalhlutverkið. Um er að ræða 30 mínútna einleik sem fjallar um hinn 26 ára gamla Kára sem vitjar leiði föður síns eftir 20 ára aðskilnað, en faðir hans fór frá honum þegar hann var sex ára gamall.
Magnús Þór Ólafsson
-Mér til halds og traust verður Magnús Þór Ólafsson sem leikur á klassískan gítar. Við erum nú á Ísafirði en kveðjum bæinn í fyrramálið eftir vel heppnaða sýningu, en við hittum einnig fjöllistahóp vinnuskólans í bænum þar sem ég var með krakkana í smá æfingasmiðju í morgun, segir Sir Daily Snow. Ísafjörður er fimmti viðkomustaður leikhópsins á ferð hans í kringum landið og eru nú á leiðinni í Skagafjörð.
Sir Daily Snow
-Tilgangur þessa verkefnis er að kynna vinnu okkar en ég stunda nám við leiklistarskóla í Kaupmannahöfn og Magnús er á kandídatsári við Konunglega tónlistarskólann í sömu borg, segir Sir Daily Snow.
Pabbi er dáinn hefst kl. 20 í Húsi frítímans, miðvikudaginn 25. júlí og er aðgangur ókeypis en tekið er við frjálsum framlögum í hatt höfundar eftir sýninguna.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
