Prjónagjörningur og fjöldi námskeiða og fyrirlestra
Textílsetur Íslands og Þekkingarsetrið á Blönduósi standa saman að prjónahátíðinni Prjónagleði sem haldin verður á Blönduósi um komandi helgi, dagana 9.-11. júní. Prjónagleði er samvera áhugafólks um prjónaskap þar sem fólk miðlar og lærir hvort af öðru og er hátíðin nú haldin í annað sinn. Stefnt er að því að hátíðin verði árlegur viðburður.
Jóhanna Erla Pálmadóttir, framkvæmdarstjóri Textílseturs Íslands, átti hugmyndina að hátíðinni. Í kjölfarið var sótt um styrk til NordPlus árið 2015 til að heimsækja Fanö Strikkefestival. Ferðin var farin til að læra af þeim og sjá hvernig þeir halda sína hátíð en hún var þá haldin í tíunda sinn. Hátíðin í fyrra tókst mjög vel og voru þátttakendur um 300 talsins.
„Mikill metnaður hefur verið lagður í að fá góða kennara og fyrirlesara að hátíðinni sem gætu deilt kunnáttu sinni til þátttakenda. Að þessu sinni hefur veriið unnið að því að fá fleiri viðburði á hátíðina og lagt upp með að hafa myndarlegan hátíðarkvöldverð,“ segir Lee Ann Maginnis, skirfstofustjóri hjá Þekkingarsetrinu á Blönduósi. „Í ár gleður það okkur mjög að margir söluaðilar hafa ákveðið að taka þátt og verður mikið úrval af alls konar vörum en sölusýningin verður án aðgangseyris og verður opin frá kl. 14 – 18 á föstudegi, 10-18 á laugardegi og frá kl. 9-12 á sunnudeginum. Sölusýningin verður haldin í íþróttahúsinu á Blönduósi.“
Meðal þess sem á dagskránni verður má nefna námskeið um hjaltneskt sjalamynstur, vefprjón, sjalaprjón og loapeysuprjón svo eitthvað sé nefnt. Einnig verða áhugaverðir fyrirlestrar, s.s. fyrirlestrar um jurtalitun, hekl í Havana og um íslensku lopapeysuna. Segir Lee Ann að námskeið Anne Eunson frá Hjaltlandseyjum séu alltaf vinsæl en að öðru leyti séu námskeiðin vel sótt og þá sérstaklega þegar boðið sé upp á nýja tækni.
Lee Ann vill sérstaklega benda á prjónagjörninginn sem halda á kl. 17:30 á laugardaginn þegar stór hópur prjónafólks mun á einni klukkustund hittast og eiga einstaka stund saman. Lykilinn að prjónagjörningnum er að þvinga tímann til að aðlaga sig að líkamstaktinum. Löngun til að hægja á hraðanum – að takti líkamans. Í þessum gjörningi er það sá sem hægast prjónar sem stýrir hraða gjörningsins. Atburðurinn er opinn öllum en gott er að aðilar skrá sig hér http://prjonagledi.is/signup-for-group-knitting-event-own-our-own-time-vi/
Dagskrá hátíðarinnar má nálgast hér.
Fleiri fréttir
-
Tindastólsliðið tuskað til í Umhyggjuhöllinni
feykir.is Skagafjörður, Íþróttir, Lokað efni 11.05.2025 kl. 23.57Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.Meira -
Húnvetningar snéru vörn í sókn með góðum sigri
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.Meira -
Tindastólsmenn á góðu róli
feykir.is Skagafjörður, Íþróttir, Lokað efni 10.05.2025 kl. 23.37Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigurMeira -
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira
