rabb-a-babb 11: Nína Rafns
Nafn: Nína Þóra Rafnsdóttir.
Árgangur: 1964.
Fjölskylduhagir: Maki Unnar Rafn Ingvarsson, tvær dætur 7 og 9 ára.
Starf / nám: Kennari við FNV á Sauðárkróki.
Bifreið: Galloper jeppi árgerð 98 að mig minnir.
Hestöfl: Hef ekki hugmynd en nóg til að ég komist það sem ég þarf.
Hvað er í deiglunni: Hafa mig í það að skrifa svo sem eina 12 bls. heimildaritgerð.
Hvernig hefurðu það? Jú, bara gott.
Hvernig nemandi varstu? Ágætur, þó heldur samviskusöm.
Hvað er eftirminnilegast frá fermingardeginum? Man nú lítið eftir honum, jú ég man að hárgreiðslan tók óratíma og að ég var í upphlut af ömmu minni sem var svo fast reirður á mig að það leið yfir mig í myndatökunni og skýrir hið föla útlit mitt á myndunum.
Hvað ætlaðir þú að verða þegar þú yrðir stór? Eitthvað sem tengdist störfum á erlendri grundu s.s. leiðsögumaður eða starfa í sendiráði erlendis.
Hvað hræðistu mest? Geitunga.
Hver var fyrsta platan sem þú keyptir (eða besta)? Ég man það nú bara ekki, ætli það hafi ekki bara verið einhver sem var oft spiluð í óskalögum unglinga á fimmtudagskvöldum.
Hvaða lag ertu líklegust til að syngja í Kareókí? Ég held ég hlífi nú áheyrendum við því að hlusta á mig syngja í Kareókí, því ég er laglaus.
Hverju missirðu helst ekki af í sjónvarpinu (fyrir utan fréttir)? JAG og Sixty Minutes.
Besta bíómyndin? Man það ekki, hef ekki séð neina lengi.
Bruce Willis eða George Clooney / Angelina Jolie eða Gwyneth Paltrow? George Clooney að sjálfsögðu.
Hvað fer helst í innkaupakörfuna sem ekki er skrifað á tossamiðann? Eitthvað gómsætt og girnilegt.
Hvað er í morgunmatinn? Oftast súrmjólk, Cherioos og brauð. Einu sinni var það hafragrautur en þeir tímar eru liðnir.
Hvaða teiknimyndapersóna höfðar mest til þín? Tommi og Jenni.
Hvert er snilldarverkið þitt í eldhúsinu? Uppvaskið og myndakökurnar fyrir jólin, er að ná pönnukökunum.
Hver er uppáhalds bókin þín? Kennslubókin í jarðfræði um þessar mundir en hún fer ekki af náttborðinu.
Ef þú gætir hoppað upp í flugvél og réðir hvert hún færi, þá færirðu... Til Dublinar eða Norður-Írlands í góðra vina hópi.
Hvað fer mest í taugarnar á þér í fari þínu? Þörf mín til að tjá mig munnlega.
Hvað fer mest í taugarnar á þér í fari annarra? Leti og þegar fólk er roggið með sig.
Enski boltinn - hvaða lið og af hverju? Horfi nú ekki mikið á fótbolta en ætli það sé ekki lið Chelsea.
Hvaða íþróttamanni hefurðu mestar mætur á? Enginn sérstakur.
Heim í Búðardal eða Diskó Friskó? Heim í Búðardal.
Hver var mikilvægasta persóna 20. aldarinnar að þínu mati? Ætli það sé ekki Bríet Bjarnhéðinsdóttir af íslenskum persónum fyrir að vekja athygli á högum og réttindum kvenna.
Hvað er best í heimi? Kvöldstund með góðum vinum, mat, drykk og ræða heimspólitíkina og hlægja svolítið. Einnig að vera úti í náttúrunni á fallegu sumarkvöldi.
Fleiri fréttir
-
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira -
Vinnsluholan að Reykjum var vígð í dag
feykir.is Austur-Húnavatnssýsla, Lokað efni 13.06.2025 kl. 20.02Ný vinnsluhola, RR-38, var formlega vígð í dag, föstudaginn 13. júní, að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu.Meira -
Selma Barðdal er nýr skólameistari FNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 13.06.2025 kl. 17.06Líkt og Feykir hefur greint frá þá ákvað Ingileif Oddsdóttir skólameistari Fjölbrautaskóla Norðurlands vestra að láta af störfum að loknu skólaári. Nú hefur Guðmundur Ingi Kristinsson, mennta- og barnamálaráðherra, skipað nýjan skólameistara og það er Selma Barðdal Reynisdóttir sem hefur verið sett í embætti skólameistara FNV til fimm ára frá 1. ágúst næstkomandi.Meira
