Rabb-a-babb 158: Kristín Þöll
Nafn: Kristín Þöll Þórsdóttir.
Árgangur: 1972.
Fjölskylduhagir: Gift honum Bigga mínum í 22 ár.
Búseta: Stallatún, Akureyri.
Hverra manna ertu og hvar upp alin: Dóttir Lillu (Guðbjörg Bjarman) og Þórs Þorvaldssonar. Alin upp á Sauðárkróki.
Starf / nám: Klæðskeri.Vinn sem verslunarstjóri í Vogue Akureyri og tek að mér sérsaum.
Hvað er í deiglunni: Reykjavík, Finnland, Portúgal og Ítalia. Fullt af ferðalögum!
Hvernig nemandi varstu? Hræðileg, svakalega óþekk og alltaf til vandræða – án djóks.
Hvað er eftirminnilegast frá fermingardeginum? Gulköflóttu buxurnar mínar sem ég fermdist í.
Hvað ætlaðir þú að verða þegar þú yrðir stór? Fatahönnuður fyrir feitt fólk, þoldi ekki þegar mamma var að kaupa buxur sem voru nokkrum númerum of langar svo þær pössuðu utan um mig hehehe.
Hvað var uppáhalds leikfangið þitt þegar þú varst krakki?Barbie dúkkurnar mínar og Monsan mín.
Besti ilmurinn?Af nýfæddum börnum.
Hvað varstu að hlusta á þegar þú fékkst bílprófið? Boy George pottþétt. Hann var bestur.
Hvaða lag er líklegast að þú takir í Kareókí? Bat Out Of Hell með Meat Loaf.
Hverju missirðu helst ekki af í sjónvarpinu? Greys.
Besta bíómyndin? Love Actually, þetta er bara svo geggjuð mynd og falleg. Horfi reglulega á hana.
Hvaða íþróttamanni hefurðu mestar mætur á? Það er spurning – öllum held ég, bara dáist að fólki sem nennir að hreyfa sig
Hvað gerir þú betur en allir aðrir á þínu heimili? Elda góðan mat.
Hvert er snilldarverkið þitt í eldhúsinu? Steikarloka með bernaise best.
Hættulegasta helgarnammið? Malaco hlaup – ég Tryllist!
Hvernig er eggið best? Steikt báðum megin.
Hvað fer mest í taugarnar á þér í fari þínu? Óskipulögð eða þá alltof skipulögð, það er enginn millivegur.
Hvað fer mest í taugarnar á þér í fari annarra? Óstundvísi.
Uppáhalds málsháttur eða tilvitnun? Allt er hey í harðindum, nema heybabilula she´s my baby.
Hver er elsta minningin sem þú átt? Jemin, ég bara man það ekki, haha.
Hvaða teiknimyndapersóna höfðar mest til þín? Tweety.
Hvaða fræga manneskja mundir þú helst vilja vera? Ég væri til í að vera Jack Sparrow, hann er bara æði.
Hver er uppáhalds bókin þín og/eða rithöfundur? Rauða bókin úr heimilisfræði, man ekki hvað hún heitir, eina bókin sem ég hef lesið.
Orð eða frasi sem þú notar of mikið? Ertu ekki að grínast í mér, þetta er of mikið.
Hver var mikilvægasta persóna síðustu 100 ára að þínu mati? Amma mín, Ragnheiður Brynjólfsdóttir, dáðist af henni. Frábær kona.
Ef þú gætir farið til baka í tímann, hvert færirðu? Til Sauðárkróks á Öldustíg 1 og labba með skíðin upp í Grænuklauf. Það var bara alltaf svo gaman að skíða með krökkunum, maður gleymdi stað og stund.
Hver væri titillinn á ævisögu þinni? Hver var hún?
Framlenging:
Ef þú gætir hoppað upp í flugvél og réðir hvert hún færi, þá færirðu... til Balí.
Ef þú ættir að dvelja alein/n á eyðieyju, hvaða þrjá hluti tækirðu með þér? Hníf, eldspítur og pipar.
Nefndu eitthvað þrennt sem þér finnst þú mega til að gera áður en þú gefur upp öndina: Fara í fallhífastökk, koma til Balí og fá mér tattú.
Fleiri fréttir
-
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira -
Heiminn vantar fleiri faðmlög | Leiðari 14. tbl 2024
feykir.is Aðsendar greinar 21.04.2024 kl. 12.08Faðmlag er eitt af mörgum fallegum orðum í íslenskunni. „Faðmlög eru einstaklega jákvæð leið til samskipta og til að sýna væntumþykju. Vinir faðmast og við sýnum fólkinu okkar væntumþykju með faðmlögum,“ segir á netsíðunni Hjartalíf.is og þar er reyndar sagt að faðmlög minnki hættuna á hjarta- og æðasjúkdómum og losi um streytu. Það eru því fá – ef einhver – lög betri en faðmlögin og þau ættu að ósekju að tróna á toppi vinsældalista okkar íbúa bláa hnattarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.