Rabb-a-babb 159: Halldór Gunnar
Nafn: Halldór Gunnar Ólafsson.
Árgangur: 1972.
Fjölskylduhagir: Giftur Sigríði Stefánsdóttur hjúkrunarfræðingi.
Búseta: Skagaströnd.
Hverra manna ertu og hvar upp alinn: Sonur Óla Benna og Gunnu Páls en þau ólu mig upp á Skagaströnd.
Starf / nám: Framkvæmdastjóri BioPol ehf / Sjávarútvegsfræðingur.
Hvað er í deiglunni: Yfirleitt nokkuð margt.
Hvernig nemandi varstu? Ég var miðlungs eða slakur nemandi lengst af en bætti mig jafnt og þétt í gegnum ferlið frá 17 ára aldri. Dúxaði í Sjávarútvegsdeild H.A.
Hvað er eftirminnilegast frá fermingardeginum? Rjúpurnar sem voru hafðar í matinn í veislunni
Hvað ætlaðir þú að verða þegar þú yrðir stór? Ég man eftir að hafa ætlað að verða bakari af því að mér fannst það vanta á Skagaströnd. Það tækifæri er enn opið.
Hvað var uppáhalds leikfangið þitt þegar þú varst krakki? Bátar voru alltaf í uppáhaldi..átti á tímabili tréskútu með seglum sem mér fannst flott
Besti ilmurinn? Rjúpnailmurinn á jólunum
Hvað varstu að hlusta á þegar þú fékkst bílprófið? Úff... við vorum svolítið öðruvísi og hlustuðum mikið á Rolling Stones á rúntinum, Wild horses, Angie ofl.
Hverju missirðu helst ekki af í sjónvarpinu? Horfi ekki mikið á sjónvarp en ef ég ætti að nefna eitthvað væri það Landinn
Hvað gerir þú betur en allir aðrir á þínu heimili? Fátt nema kannski er elda á góðan mat.
Hvert er snilldarverkið þitt í eldhúsinu? Rjúpnabringur og önnur villibráð
Hættulegasta helgarnammið? Helgarnammi er ekki í boði… en ég er erfiður í kringum snakkpokann
Hvernig er eggið best?Ætli að sé ekki best spælt.
Hvað fer mest í taugarnar á þér í fari þínu? Óþolinmæði og stress.
Hvað fer mest í taugarnar á þér í fari annarra? Hroki og mont sem fólk á ekki inni fyrir.
Uppáhalds málsháttur eða tilvitnun? Það þarf sterk bein til að þola góða daga.
Hvaða teiknimyndapersóna höfðar mest til þín? Mér fannst bæði Ástríkur og Steinríkur flottir á sinn hátt.
Hvaða fræga manneskja mundir þú helst vilja vera? Kim Jong-un, leiðtogi Norður-Kóreu þá gæti ég sagt af mér og frelsað þjóðina undan þeim hörmungum sem þar eiga sér stað. Slíkt gæti líka komið í veg fyrir að þriðja heimstyrjöldin brjótist út.
Hver er uppáhalds bókin þín og/eða rithöfundur? Sjálfstætt fólk. Hún hafði sterk áhrif á mig þegar ég las hana fyrst.
Hver var mikilvægasta persóna síðustu 100 ára að þínu mati? Hef ekki skoðun á því.
Hver væri titillinn á ævisögu þinni? Sagan sem aldrei var sögð
Framlenging:
Ef þú ættir að dvelja alein/n á eyðieyju, hvaða þrjá hluti tækirðu með þér? Veiðarfæri, sólarrafhlöðuhlaðinn síma og blásýruhylki.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.