Sætir sigrar á Sauðárkróksvelli
Fyrstu deildar lið Tindastóls og þriðju deildar lið Drangeyjar áttu góða leiki í dag og í gær en bæði liðin sigruðu andstæðinga sína í leikjunum.
Tindastóll lagði Víking R. af velli með þremur mörkum gegn einu. Það voru Fannar Freyr Gíslason, Theodore Eugene Furness og Ben J Everson sem skoruðu fyrir lið Tindastóls en Evan Schwartz skoraði fyrir Víking.
Eitt rautt spjald fór á loft í leiknum en það var Reynir Leósson, leikmaður Víkings, sem var vísað af velli. Áður hafði hann fengið áminningu en einnig fengu þrír leikmenn Tindastóls áminningu, þeir Dominic L Furness, Ben J Everson og Theodore Eugene Furness.
„Mér fannst jafnræði með liðunum allan leikinn,“ sagði Halldór Jón Sigurðsson, þjálfari Tindastóls, í samtali við Fótbolta.net. „Við vildum þetta meira. Menn hlupu meira hjá okkur.“ „Staðan á liðinu er góð. Margir hafa spilað og margir fengið reynslu. Við settum okkur ákveðið markmið fyrir þessa fyrstu sex leiki og náðum því,“ sagði Halldór. Hér má sjá viðtalið við hann í heild sinni. Tindastóll er nú í 7. sæti í deildinni með 7 stig.
Drangey gjörsigraði lið Skautafélags Reykjavíkur í gærkvöldi 4-0. Þeir leikmenn Drangeyjar sem settu boltann í netið voru þeir Óskar Smári Haraldsson, Guðni Þór Einarsson, Hilmar Þór Kárason og Ingvi Rafn Ingvarsson. Tveir fengu áminningu í leiknum, þeir Aron Ellert Þorsteinsson og Hákon Andri Víkingsson, báðir leikmenn SR. Drangey er nú í 3. sæti í B-riðli með 7. stig.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
