Síðast var reynt að sameina Akrahrepp og Svf. Skagafjörð árið 2005 en bæði sveitarfélög höfnuðu
Í lok apríl 2021 ákváðu Akrahreppur og Sveitarfélagið Skagafjörður að hefja vinnu við að skoða kosti og galla sameiningar sveitarfélaganna og segir á vef verkefnisins, skagfirdingar.is, að óformlegar sameiningarviðræður hafi þá farið fram milli sveitarfélaganna með tilheyrandi greiningarvinnu og íbúafundum. Í september tóku sveitarstjórnir sveitarfélaganna ákvörðun um að hefja formlegar sameiningarviðræður sem mun ljúka með kosningu íbúa þann 19. febrúar.
Hugmyndir um sameiningu sveitarfélaganna tveggja eru ekki ný til komnar eins og fram kemur á heimasíðu sameiningarnefndar en fyrstu kosningar til sameiningar sveitarfélaga í Skagafirði fóru fram árið 1993.
„Tillagan var felld í Akrahreppi, Seyluhreppi, Lýtingsstaðahreppi, Skarðshreppi, Rípurhreppi og Fljótahreppi. Í Akrahreppi samþykktu 6,5% tillöguna en 93,5% höfnuðu. Árið 1997 var aftur kosið um sameiningu sveitarfélaga í Skagafirði, utan Akrahrepps en hreppsnefnd Akrahrepps hafnaði því að taka þátt í viðræðunum. Allir aðrir hreppar og Sauðárkrókur samþykktu tillöguna og Sveitarfélagið Skagafjörður tók til starfa 7. júlí 1998.
Frétt um niðurstöður sameiningarkosninga
á Norðurlandi vestra frá 2005
Í mars 2005 kom út skýrsla með lokatillögum nefndar um sameiningu sveitarfélaga sem skipuð var af þáverandi félagsmálaráðherra í desember 2003. Nefndin lagði m.a. til að íbúar Akrahrepps og Sveitarfélagsins Skagafjarðar greiddu atkvæði um sameiningu sveitarfélaganna tveggja. Þann 8. október 2005 var kosið um sameiningu Akrahrepps og Sveitarfélagsins Skagafjarðar en tillagan var felld í báðum sveitarfélögum. Í Sveitarfélaginu Skagafirði samþykktu 49,4% tillöguna en 50,6% höfnuðu henni. Í Akrahreppi samþykktu 16,5% tillöguna á meðan 83,5% höfnuðu henni.
Árið 2017 afþakkaði Akrahreppur boð um þátttöku í sameiningarviðræðum Sveitarfélagsins Skagafjarðar og Skagabyggðar.“
Það vekur athygli að Svf. Skagafjörður hafi hafnað sameiningu í kosningunum 2005 en á það verður að líta að þátttaka var ekki mikil eða aðeins 16,4% kosningabærra manna. Á kjörskrá voru þá 2967 en aðeins 488 greiddu atkvæði, af þeim voru 19 sem skiluðu auðu samkvæmt frétt í Feyki frá þessum tíma.
Þátttakan var mun betri í Akrahreppi þar sem 82,4% tóku þátt eða 132 af þeim 165 sem voru á kjörskrá. Já sögðu 22, 111 sögðu nei og þrír seðlar voru auðir.
Fleiri fréttir
-
Karamella borðaði allt halloween nammið | Ég og gæludýrið mitt
feykir.is Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 05.07.2025 kl. 14.48Í Feyki sem kom út í byrjun mars svaraði Natan Nói Einarsson sem býr á Skagaströnd gæludýraþættinum og segir okkur hér frá hundunum sínum en hann á samt fullt af dýrum, bæði dýrum sem fá að vera inni hjá þeim og svo þessi ekta íslensku sveitadýr. Foreldrar Natans eru þau Einar Haukur Arason og Sigurbjörg Írena Ragnheiðardóttir en svo á Natan sex systkini þannig að það er nóg að gera á þessu heimili.Meira -
Heimsmeistarinn í Byrðuhlaupi skorar á aðra hlaupara að taka þátt að ári
feykir.is Skagafjörður, Íþróttir, Mannlíf, Lokað efni 05.07.2025 kl. 12.31Byrðuhlaupið fór fram í Hjaltadal 17. júní síðastliðinn. Það var Christian Klopsch sem stóð uppi sem sigurvegar og bætti heimsmetið í leiðinni. Christian er 33 ára gamall doktorsnemi við ferðamáladeild Háskólans á Hólum og Háskóla Íslands. Hann flutti 2022 til Hóla og hefur langað að taka þátt í Byrðuhlaupi síðustu ár en var aldrei heima – þar til nú. Þannig að í Byrðuhlaupinu 2025 kom Christian, sá og sigraði. Katharina Sommermeier, formaður Umf. Hjalta sem stendur fyrir hlaupinu, spjallaði við Christian fyrir Feyki.Meira -
Dagskrá Húnavöku 2025 er orðin opinber
feykir.is Austur-Húnavatnssýsla, Listir og menning, Mannlíf, Lokað efni 05.07.2025 kl. 12.29Það styttist óðfluga í bæjarhátíð Húnabyggðar, Húnavöku, sem verður á Blönduósi dagana 16.-20. júlí. Að venju er mikið lagt í hátíðina, dagskráin fjölbreytt og viðamikil en að venju er laugardagurinn sneisafullur af alls konar. Þar má nefna torfærukeppni, froðurennibraut, markað, fjölskylduskemmtun, knattspyrnuleik, kótilettukvöld, tónleika og uppistand, brekkusöng og stórdansleik.Meira -
Á ferð með Bogga
feykir.is Skagafjörður, Mannlíf, Lokað efni 05.07.2025 kl. 11.20Á Hofsvöllum í Vesturdal býr Borgþór Bragi Borgarsson ásamt konu sinni Guðrúnu Björk Baldursdóttur og eiga þau 3 börn og einn uppeldisson. Þau eru öll flogin úr hreyðrinu utan eitt. Hofsvellir munu vera fremsti bær í byggð í Skagafirði. Þau búa með 300 kindur og nokkur hross en aðalstarf Bogga, en því nafni gegnir hann ágætlega, er að vera frjótæknir en það vakti áhuga blaðamanns Feykis að kynnast því starfi. Blaðamaður slóst því í för með Bogga er hann í embættiserindum átti leið í Miðhús í Blönduhlíð.Meira -
Sushi pizza og litlar franskar súkkulaðikökur | Matgæðingur Feykis
feykir.is Skagafjörður, Í matinn er þetta helst, Lokað efni 05.07.2025 kl. 10.00Það er Kristín Gunnarsdóttir sem er matgæðingur Feykis í tbl 8 en hún er fædd og uppalin á Króknum en býr í dag í Reykjavík. Kristín á þrjú börn og fimm barnabörn og hefur Kristín lengst af unnið sem kokkur.Meira
