Síðasta tölublað Feykis á árinu er komið út
Síðasta tölublað Feykis á þessu ári kom út í gær og kennir þar margra grasa að vanda. Blaðið er 32 blaðsíður og í því er að finna fjöldann allan af jólakveðjum frá fyrirtækjum og félagasamtökum til íbúa Norðurlands vestra.
Forsíðumynd blaðsins er gullfalleg og er tekin af hinum snjalla ljósmyndara Róberti Daníel Jónssyni á Blönduósi. Þau leiðu mistök urðu að það láðist að geta nafns hans í blaðinu og biðjumst við innilegrar velvirðingar á því.
Meðal efnis í blaðinu má nefna viðtal við hjónin Ólöfu Ýrr Atladóttur og Arnar Þór Árnason sem eiga og reka gistiheimilið Sóta Lodge á Sólgörðum í Fljótum. Þau segja frá uppbggingu hótelsins og þeirri fjölbreyttu ferðaþjónustu sem þau standa fyrir í náttúruparadís Fljótanna.
Þorsteinn Þorsteinsson heldur áfram að rifja upp minningar sínar frá uppvaxtarárunum á Hofsósi og nú eru það samkomur og skemmtanir á ungdómsárum hans sem eru í forgrunni.
Ólafur Sigurgeirsson á Kálfsstöðum í Hjaltadal opnar Bók-haldið og segir lesendum frá því hvaða bækur höfða helst til hans og birtur er kafli úr bók Friðriks Friðrikssonar, æskulýðsfrömuðar og stofnanda KFUM, þar sem segir frá sannkallaðri svaðilför nokkurra ungra manna norðan úr landi til Reykjavíkur um aldamótin 1900.
JRJ Jeppaferðir eiga 25 ára afmæli og er talað við við stofnanda þeirra og eiganda, Jóhann R. Jakobsson. Birgitta H. Halldórsdóttir á Syðri-Lngumýri í Blöndudal heldur um áskorendapennann og María Reykdal segir frá rósarækt á Starrastöðum. Í matarþættinum er svo boðið upp á uppskrift að dýrindis eftirrétti sem sómir sér vel á jólaborðinu. Þá má ekki gleyma vísnaþætti Guðmundar bónda á Eiríksstöðum sem er hinn 774 í röðinni.
Ýmislegt fleira er að finna í blaðinu sem er til sölu í mörgum verslunum, stórum sem smáum, á Norðurlandi vestra.
Fleiri fréttir
-
Hlaupið fyrir Einstök börn á morgun
feykir.is Skagafjörður, Mannlíf 30.04.2024 kl. 17.38Hlaupahópurinn 550 Rammvilltar blæs á ný til styrktarhlaups fyrir félagið Einstök börn þann 1. maí á Sauðárkróki en hlaupið hefst kl. 14:00. Veðurstofan spáir björtu veðri með dassi af norðanátt en er frekar sparsöm á hitastigin. Það stefnir því allt í upplagt hlaupaveður og engin afsökun að hanga heima.Meira -
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra | Sigurjón Þórðarson skrifar
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira -
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna 15 milljón króna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira -
Skagabyggð hlaut styrk vegna Verndun Kálfshamarsvíkur
feykir.is Austur-Húnavatnssýsla 30.04.2024 kl. 10.44Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.