Sigurjón Leifsson kjörinn formaður UMSS
Í gær var haldið, í mötuneyti FNV á Sauðárkróki, 92. ársþing Ungmennasambands Skagafjarðar að viðstöddum 40 fulltrúum aðildarfélaga þess. Fram fóru venjubundin þingstörf en fram kom í ársreikningum að tap varð á rekstrinum.
Tekjur síðasta árs voru rúm áttahundruð þúsund krónum lægri en á fyrra ári og munaði mestu að ekki var um neinn fjárstyrk að ræða frá sveitarfélögunum í Skagafirði til reksturs sambandsins. Alls námu tekjurnar kr. 4.311.240 en rekstrargjöld fyrir fjármagnsliði kr. 4.844.257.
Helga Guðrún Guðjónsdóttir formaður UMFÍ heiðraði samkomuna með nærveru sinni og hvatti aðildarfélög UMSS til að fjölmenna á ULM 2012 sem haldið verður á Selfossi um verslunarmannahelgina. Þá hvatti hún þingheim til að samþykkja fyrirliggjandi tillögu til stjórnar um að sækja um að halda Landsmót UMFÍ 2017 enda var hún mjög ánægð með framkvæmd UMSS að Landsmótum hingað til. Þá veitti Helga þremur aðilum Starfsmerki UMFÍ fyrir þeirra framlag til hreyfingarinnar en þau hlutu Hjörtur Geirmundsson, Jónína Stefánsdóttir og Hrafnhildur Pétursdóttir.
Garðar Svansson sem situr í stjórn ÍSÍ afhenti sambandinu gjöf í tilefni af 100 ára afmæli ÍSÍ en þar var um bók og fána að ræða. Þá afhenti hann knattspyrnudeild Tindastóls viðurkenningu sem fyrirmyndarfélag ÍSÍ.
Sigrún Þóra Karlsdóttir ung sundkona á Sauðárkróki er handhafi Magnúsarbikarsins sem gefinn var til minningar um Magnús Valbergsson og veittur var til margra ára stigahæsta sundmanni í Fljótum. Hann er nú í vörslu UMSS.
Síðasta starfsár hefur Sigurjón Leifsson verið starfandi formaður UMSS, fór í þá stöðu sem varaformaður. Í gær var kosið í nýja stjórn og var Sigurjón kjörinn formaður en aðrir sem fengu kosningu voru Rúnar Vífilsson og Jón Daníel Jónsson en áfram sitja þau Elisabeth Jansen og Þröstur Erlingsson. Hjalti Þórðarson lauk stjórnarsetu og voru honum þökkuð góð störf í þágu sambandsins.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
