Sjónvarp Símans til allra landsmanna
Þúsundir landsmanna fá nú tækifæri til að sjá Sjónvarp Símans. Sjónvarpsstöðinni, sem áður var aðeins dreift um gagnvirkt sjónvarpskerfi, er nú dreift rétt eins og RÚV og næst því hvar sem móttaka sjónvarps er möguleg. „Við erum sannarlega ánægð að allir landsmenn geti fylgst með Sjónvarpi Símans – hvort sem er í afdölum, sumarbústaðahverfum, yfir netið eða loft,“ segir Magnús Ragnarsson, framkvæmdastjóri Miðlunar og markaða, hjá Símanum.
Sjónvarp Símans hefur verið frístöð frá vetrarmánuðum ársins 2015. Stöðin fór fyrst í loftið árið 1999 undir nafninu SkárEinn og var þá einnig frístöð til tíu ára en var breytt í áskriftarstöð. „Þar sem stöðin er frístöð eru auglýsingatekjur grundvöllur hennar og vöxtur þeirra forsenda þess að stöðin stækki. Það sjáum við nú og grípum því tækifærið til að vaxa enn frekar með aukinni dreifingu á stöðinni,“ segir Magnús.
Framboð á efni í Sjónvarpi Símans hefur vaxið og var á dögunum samið við Disney um að heimahöfn þessa kvikmyndarisa verði hjá Símanum. Frozen er því páskamynd stöðvarinnar í ár.
Pálmi Guðmundsson, sjónvarpsstjóri Símans, segir dagskrá Sjónvarps Símans nú samanstanda af þáttaröðum frá fimm stórum framleiðendum Hollywood – Twentieth Century Fox, CBS, NBC og Showtime.
„Það er kannski ekki á allra vitorði að Síminn er með svo marga samninga um efni í sjónvarpi og því frábært úrval, og fögnum við því sérstaklega að vera orðin heimahöfn Disney. Við hlökkum því ekki aðeins til páskanna heldur einnig haustsins, þegar við frumsýnum tvær nýjustu Star Wars myndirnar og um jólin verður dagskráin hlaðin vinsælum barnamyndum frá Disney.“
Síminn bendir á að mögulega þurfi að endurræsa lofttengda myndlykla svo stöðin sjáist.
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
